 |
قسم طواف
مرااايا الصحو |
|---|
وش هي وجوه الصحو ..؟
ما تواصل عيونك خطوتي
شباك في صدر السما
وشفاه تلهث طلته
مدرى عيون الصحو
هي أمطار ..؟
ترسم لي سرايرها
مواني للغرق ..!
أشجار ..؟
تفرش لي ظفايرها
مداين للصخب ..!!
أجمل من إحساس العنب ..!
بداية خيوط الصحو ...
أتملك خطوة
تمر بعين طفل ودمعته
ترسم له دروب العمى
يا رقتك ..!
وأنتي تحسين الحياة .. بخطوتك ..!
هذا شعور الصحو ..
وأنتي تشعلين الشمع في وجه النهار
لجيتي ..!
يا كل هذا الصحو
ما طالت يدينك مسمعي
عطر العرق يغتالني
سكين .. أشبه بالفراغ
ميعاد أسمال الرياح
تمر بين أصابعي
صهيل ، وسيوف، ونخيل
تمر بأقصى مدمعي .. سكين
أشبه بالرحيل
يا حزن هذا الصحو ..
عبايا عرت خطوط الكف
تقرع رياح بصمت .!!
وانتي تلبسي خنجر
تعج الريح .. ريح
ماتبني شرف أكم ..!!
يا طول هذا الصحو ..
أشلاءه كثير
شاخ النخيل
أبتلت أوراقه سهر
وأحتل شباكي الأخير
الأرض
أسياط النظر
واقدام تنشد عن خبر
يسكن مراياها العتم
أشياء في وجهك تبين
الشمع .. درب يحترق
للشمع أكثر من جسد
تذبل كتوف الشمع
مدري .. تنتحب أصدق ..!!
يظل الشمع دمع وبعض الدمع شمع
ونتحب .. نعرق ..!!
يا ملونه غصنك ورق
طال الخريف وما تساقط بك .. ورق ..!!
مرايا تشبهك
عتم الطريق المختضر
شمع الطريق المختصر
أقدم هذا الليل
سكين السهر
شوارع يالمسا .. شباك
تنظرني وراه أعذار
شوارع للمسا تنده
تعال أشرب ..!!
ضلوع للشمع تنذاب
بقايا .. يالمدى الساخر
وصالك هش ..!
يتمتمني برودك .. عاصفة
تسكن وريد النار
دواير تشتيني .. تشتهيني
والغرق .. للماي
شواطي ساهية تدفا بعيوني
والغرق والماي
يا ذابلة ..
تحت المطر
يا ساكنه هذي الصور
أشجار تسألني عليك ..؟
الطين بلل وجنتك
والشمس قامت .. وأنحنت
أعذار
مرايا تنكسر تجرح بعضها
حفايا ذي الوجوه الواقفه في الماي
تلسعني صبر
تقلبلني عطر .. مدري
ولكن .. صافحتها خطاي
لو قلت لك :
إني كثير أقص كتفي وأشعله .. !
وإني كثير أحتاج له
لا طول الليل العتيم
برد .. وسما تمطر سهر
ميعادك الليله يطوف
ليل عتيق وينتظر
أسوار .. والفرقا حنين
لا .. تلبسي عيني كفا
لا يحرقك فيها الدفا
صارت حفايا هالحروف ..!!
قصايد تلعن أحساس الورق
تموت .. لين تموت
ما تهني الغرق ..!
يا جادية ..
حلمك مرايا .. أرض عميا
هذا الحزن أكواخ
تبعثني صواري أشرعة
ميلادها الريح الضرير
صرت أشبهك ..
أكثر من وجوه المرايا .. أشبهك
وجهين أكثر من جسد !!!
|
|
|
| | |
