 |
قسم طواف
طواف |
|---|
طواف حول .. ( الطواف حول الجمر )
..................
داخ هذا الحلم ..
في كل الفصول
وجه هذا الضيق عدّا ..
للورق
المكان : أشبه بميراث الربيع
كان يفرك في دواير رغبته
سكر أطفال ومسا أسوار .. طين
والزمان : أكتض بالحلوى
وجدران الجبل
يبتدي الرمان ينحت غربته
صار دمعه تين
تنحني كانت كتوف الذاكره / الأغصان
في صبح الجبل
كلها هالريح جابتها لبعض
وطاحت أوراق وسنين
مختلف هذا الحلم ..!
كل صبح به يأذن .. ماسكت
حزنه المنفاي .. يكتبني عبث
أيه ( زهره )
كل دله صبر طاحت
ينكسر فيها .. عمر
أسمعك لحظة فتات الصمت
وأنتي .. تصرخي
يا أبوي .. ويا أبوي
ما تعطّرت المدينة ..
والسكيك اللي يمر التمر عابس في يديها
ما .. لمحت ( بزهرتك ) حزن المدينة
ولعنة الأضواء
يا لكثير بداخلي
لا .. تأخر طعنتك
يمتزج فيها جنون الملح
تصرخ للجبل..
ما يمر البحر في هذا الفلح ..!
قول ...
دمعتي يا بوي بكت قهوتك
وكل حبة تمر تلفظني وجع
وأنت تفرش ( سمّتك )
والفلج .. ذاك الفلج
يا جبلنا يا جبلنا با بنا والله .. وحلمنا
لك يسيل الناى ويقطف السكر فلنا
نعشقك ونطيح ضحكه شوفنا لما كبرنا ..!!
يا تلاوات الغياب
مشّطي ضلعي عتب
كل نخلة صمت فيني ..تنحني ..
من يذر الملح في نحر الفلج
لجل أشوفة بحر ..!
يا حبيبي ..
كل أرضك بين أحشائي نبت فيها لغبار ..!
وأنت ..روحك تخلق من البحر
أروع مذبحة ..!
ذاكرتك تخون ميلادي
والسفن تنحرك في المنيا
سواحل للمدن
وأنت أكذب من صدق للريح ظهره
واشتراني الضيق بأبخس لعبته
وافتراني
هّمس عروقي بحزنك
وأستباحك
مايمر البحر في هذا الفلج ..!
كل خطوة دمع تكتبني
هرب ..
وأنت .. مل الدموع فيك من .. الهرب
يلي بين الدفئ .. بأنفاسي مشيت
والمسافات أخنقتني
وصرت بأعراف الكثيرين أرصفه
تآكل الأقدام .. وجهي ..!
أتبعك والدمع من عيني .. يطيح
في سلالي .. وأجمعك فيها أمل
جيت أدور فيك ميلادي الذبيح
وصرت أجني منك يالغايب رمل
جدي المشهور بالعمّة
وأبوي بخنجره
والسلالة ..
والوصاية ..
وأتفه الأشياء ..
غيور أنته ..!
تموت بهالبحر وانا هذا الجسد ..!
يا ثلاثيني كبرت
وصرت أغمس كل حلم أمواج دمي
في أنتظاراتي ..
وأنا أحرق هالشتاءات الكثيرة
وبآخر
أعوادي
بردت ..!
خالوا .. أحفاد القرنفل مملكة حلمي الصغير
وكنت أهذي عن عطرك
وكنت أهذي ..
ما وطنك إلا .. وطنك
ملت الحيلة عصافيري
وسكت ..
وجيت أهذي
خلف هالعالم .. لوحدي
أسرق اللحظة .. بلحظة
وخلف هالعالم .. جلست ..!
وكان آخر من وطى هذا النفس
فيني بخنجر
هو أنت وكنت تقسى
وكان ..
يقسى الوجع وألقاك تحطب سكوتي
يقسى ولا ادراي كيف أفقدك وألقاك
شف كم أنا وجهي تساقط بصوتي
أرض .. يقاس الجرح فيها بذكراك
شف ما بقي للحزن من كثر موتي
الأنت .. تحيى داخلي كثر فرقاك
|
|
|
| | |
