يابوي لاتنشد عن الوضع والحال..
لايشغلك يابوي وضعي وحالي..
ترا ولدك رجال من صلب رجال..
يصبر علىحمل الامور الثقالي..
كان الهموم جبال حنا لها حبال..
نصبر علىكثر العنامانبالي..
حظي يسوق الهم وسمي وهمال..
.يمطر على غصن به الهيف صالي... الغصن هايف والمواردبها لال... لاحد ن سقاه ولا تلوفه ضلالي..
مجمل حياتي عشتها ضايق البال.. وقضضيتها والراس مرفوع عالي..
يوم ان غيري يفضي السد بالحال..
سدي كتمته واحتفظ به لحالي..
ياما تبعنا الغي ونحس به جال..
وطروشنا ياما خدعها الزلالي..
واليوم طال الصبر والهم قتال..
والصدر ضايق مالجى له مجالي..
اليا سكتنا زاد بالجوف شعال ...
وليا تكلمنا تزيد اشتعالي..
.اواااه ياهمن فقلبي ولازال..
.باجي على مر السنين الطوالي.. .لولا الحياء من كل شامت وعذال..
والخوف من هرج الرخوم الهزالي..
سويت شيا يشرح الفكر والبال..
.وزعلت ناس قدرهم حيل غالي..
لاكن على الله يازمن هات لاثقال..
نصبر ولتزعل علينا الليالي..
.احسن نذوق الهم فنجال فنجال..
كله ولانتبع دروب العيالي..
.ياليت لي ودعم ولا ولد خال.. .امكن افض فضله عن اللي جرالي..
يابوي لتنشد عن الوضع والحال.. لايشغلك يابوي كثر انشغالي..
احمد الحكماني
|
