ميراث عشره   

هذا السهر والطعون الخضر والخنجر

                                                 وهذا الأنيـن وهدير الدمع بأحـــداقي

وهذا الشتات وبقـــــــــايا قلـب مدمــر

                                                وهذا النـواح و مآتـم حرقة أشـــواقي

ميراث عشــره قلـــوب عشقــها سكـر

                                                 مـات الهنا في صباهـــا والعنـا باقي

أيـــام غصـــن الوله بأحساسنا مثمــر

                                                 يـــــــوم الوفــا للمحبه نبــع دفــاقي

نســقي عــروق الغــلا وقلوبنا تمطـــر

                                                من صادق الحب وصل بالوفا ساقي

تضحك لنا الشمس وعيون القمر تسهر

                                                والغيــــــم يتبع خطانا والهـوى راقي

واليـــــوم جفت جــداول حبنا المزهــر

                                                وماتت عـروق المحبه وذبلت أوراقي

والغيم حول طريقــه والصفــا عكــــر

                                                والشمس غابت وليلـــــي شدد خنـاقي

يوقدنــــي الهم جمــر وخافقــي مجمر

                                                والبـــرد عيـا يطفــــي جمــر حـراقي

يـــا ليــــل منته على جبر الجفا مجبر

                                                 خلك ف حـــالك وخلينــ ي مع رفاقي

الحــــزن والخوف والتلويع والخنجـر

                                                 وأنياب جـــــرح أليـــم تنهش أعماقي

ميــــراث عشـره قديمه والهوى سكـر

                                                  مات الهنا فـــي صباها والعنا بــاقي