وجـــــــــــــــــع

وجــع مـؤلـم كثيــر وجــاوز حـدود التحمــــل

                                                          ألــم عـــز الألــم لكــن تـرى الحيلــه قليـــــله

عيــون مـرهقـه وقلب مـن الشــده تـرهـــــــل

                                                          جفــن مــن أبســط أحـلامــه تمنـى ينـام ليلـــه

تعب وإنهــاك وإحسـاســه مـن الإنهـاك نمـــل

                                                          ذبـل وجهـه وخـارت بـه عظامـه مـا تشيــــله

سنين وضحكــة أحلامــه معـاها البعــد طــول

                                                          صبر أقصــد بـقــايا صبر و الرحله طويـــــله

ســـرى فيــه الأمــل لحظــه وبعـروقه تســـلل

                                                          لعــله فــي سنيــن العمــر لحظــات جمـيلـــــه

تلبــس شــاف صــوب مـرايتــه وقــــام يتعدل

                                                         أخــذ بيــده هـديــه وورد وأحــلامــه دليلــــــه

تعطــر مــن بقــايــا شمــة العطــر المفضــــل

                                                         يحــاول يجنــي احلامــه لقــا أرضــه محيلـــه

دفــن همــه وأخـذ صبـره وفـي صبـره تجمـل

                                                         وجهز ضحكته ولكن للأسف إجت  تدمي قتيله

ومـر الوقت وهـو واقف وفـي صمتـه مكبــــل

                                                         تـأخـر هـالفــرح مـا جــاء تعـب وأنهــد حيلــه

شكــى همـه إلــى الـواهب و له صاح وتوسـل

                                                         مـا غيـرك يــا إلــه الكــون إلــه نـرتجــي لــه

نــزل كتـف الـزمــان وصـار بالآثــام مثقــــل

                                                         وعفــوك يـالطيــف لجنتــك أزكـــى وسيـــــله

و ذاب الهــم بـأمـــر اللـي بكلمــة كــن بــــدل

                                                         عســير الحـال بالتيسيــر وهــو وحــده كفيـلـه