صمت المحاجر
دمعتـــي لا تخنقينــي والمشاعـــــر مــاليــه
مـن زمــن وأنتـي حبيسه والأمـل في هلتـك
أغسلـي خـــد المواجـع والخلايـــق ساليــــه
يـا ثقــل ذنبك ف عينــي والمحــاجـر ملتـك
بللـينـــي يمكـــن أنـي أرتــوي يــا غـاليــــه
ويمكــن أن الحــزن فينـي ينتهـي مــن بلتك
كــن هــذا الهـم ظالــم لــه جيــوش مواليــه
حاصرتنــي وأنت سيـف فـي خفوقي سلتـك
ضقت والدنيــا تجينــي بالعنـــــا متواليـــــه
غربتي هــم المفـــارق والطعـــون وزلتــك
تستغيثـك هالطعـــون المتعبــــه والبـاليـــــه
لين صلت لك صـلاة الغيـث مــدري صلتك
بـدلــي مــر المواجــع بالدمــوع الحاليــــــه
وأكسـري صمت المحاجـر عن عيون غلتك
قالـــت العــزه عظيـمـه للــرؤوس العـاليـــه
حتـى لـو خانك زمــانك والهمـــوم أحتلتــك
في شمــوخ الحب ببقــى بالجفـــــن متعاليـه
ما يكفــي هالجــروح اللـي غــزتـك وذلتــك
كم سهرت ونــار شوقــك بالمحاني صاليــه
ليـــن ضليـــت السعــاده والسعـاده ضلـــتك
صاحت ضلـوعي تنــادي للطعــون الداليــه
غرقـي دلـوك و زيــدي من خفـوقـي علتـك
دمعتــي لا تذبحينـي والمشـــاعـــر مـاليـــه
لى متى وأنتـي حبيــسه والرجــاوي هلـتك
|
