اســمع يــاقــلبــي لاتــطول بـالـونـين ولاتـنوح
شوف السنين المقبله وخلا السنين العابره
خلا الــعلــوم الــبايـته الـلي لاتـجيـب ولاتـروح
الـلي لا خـط بها القلم تخلص عليه الحابره
لـولا الامـل والحلم ف البنيان واطوال الصروح
مـاكـان شفت الساكن بأجره ونفسه صابره
مــن كــثرة الاتـراح مـاعـادت تـسلـيك الـمزوح
وكـنك عـلى جـدي تـعدا فـي الـعمر وتكابره
يـاكـم طـحت وكـم قـلت ان الـشمـاتـه والجروح
مـاتـاتـي إلا مـن قـريـب و تـعرفـه وتخابره
اسـرفـت فـالـطيـبه وطـيحـت الميانه والوضوح
إلـين طـحت بـفرشـتك شايب وماحد سابره
تغفي عيون اللي همومه درس وكتاب وشروح
وتــبات انــته بـكل جـرح وكـل هـم تـدابـره
لــو حـطت الـدلـه عـلى جـمره ويـمديـها تـفوح
وش لـك تـقلـب فـالجمر وتشاهبه وتنابره؟
عـداد عـمرك دام بـعده مـاانـقلـب سـيّر وشـوح
وان كانها في طايره ولا ف سفينه وعابره
الله يــرحـم كـل مـن راح وعـليـه الـماء نـضوح
يـكرم عـليـه بـكافـنه ويـكرم عـليـه بـقابره
لـو يـنطـمس عـشريـن عامٍ لازم ان حقك يلوح
ومـاتصنع الامجاد غير الصابره و الصابره
