بـنصـف الـليـالـي والـهوا يراغي التربه
وراســن يــناغــيه الـهجـوس وقـمر كـشاف
وانـا وشـايـبٍ يـرجف شمالي وانا قربه
أعــافــه الــنهـار ولا جـنا الـليـل مـايـنعـاف
يــغّلــق عــلي الــليــل وتــغّلـق الـغربـه
عـليـه بـقفـل ضـايـع سوتشه ولا له ايضاف
يــقول الــعمـر قـفا حـمامـه مـعا سـربـه
واقــول الــعمــر تــوّه وتــوّه بــعد مـاشـاف
طـرحـنا الـقدر فـي قوم عربٍ ومعتربه
ومــن الــبن حــولـنا عـلى بـودر الـنسـكاف
وســـكه بـــهافـــله وســكه بــها خــربــه
وأحـد سـاكـن الوادي وأحد ساكن المشراف
يـقول الـلي فـالوادي فوادي على الشربه
ويقول اللي فالمشراف عيني على الصراف
جـبرنـا الـزمـن نـمشي معا قوم مختربه
وجـيه امْـشفـوطـه شـفطـه الـماي بـالـنشاف
وعلينا ضرايب من سنا الشرق لاغربه
عـلى عـزّة الـنفـس وعـلى بـسمتين إسراف
يــاربــي تـصبـرنـا وسـوق الـقدم دربـه
يــكثـر الـلي طـوفـته وهـو داخـلي مـاطـاف
