يـقول مـن ضـاقـت عـليه وما انحبط
يــاتــل قــلبـي مـن عـراويـه مـحزون
ويــامـط قـلبـي مـطة الـممـطوط مـط
مــن مــوتـره بـسلـنج ولا بـريـك دون
ع الـصاحـب اللي قد رفعته وقال وط
وجاب المثـل (فرعون مالك منه عون)
ويـاشـط قـلبـي يـوم اجيله واف شط
ويــاوسـم قـلبـي لاش قـفا ودون دون
(لـقطـه غـليـس) يـقولـهالـه من لقط
و(مـقيـط راح بـحبـله) و تدري شلون
الـشاي ابـو خـيط يـفرق عن بو فرط
لاول مــويــهي والــفروط يــصبـغون
انا شهد انه (شـاي ابو خيط) وغلط
يـوم ان شـريـته وقـلت كـبه مـايـهون
لــلحــين فــي حــلقــي مـرارتـه تـبط
وفــتوق كــبدي بـالـصبـر مـايـدمـلون
تـظن بـعض الـناس بـان الـمال حـط
قـيمـه لعيش وملح في نفس الصحون
ويظن بعض الناس من حاجة وغبط
يـوم ن تـجيـه بـخيـر وتـشد الـظعـون
كـل شـي بـالـدنـيا يـجي بـقوة ومرط
إلا الـمحـبه مـاتـجي لـو تـعطـا عـيون
فـالـلي مـاسـار فـدرب حـبك يـوم قط
دلــه يــهابــك ويــن مـا سـار ويـكون
والـلي مـايعرف قيمتك وش بالضبط
(بـيعـه بـياع الـقات) ومضغة السنون
ويــعيــضك الله... صـف نـياتـك فـقط
رجــل مــناكــبه مــناكــب والــمتــون
مـــتون ذخـــره لـــلزمـــان إلا حــلط
وشـوفـه يـكفـي يـدفـع انـواع الـغبون
يــوم الـذهـب يـنصـاغ مـريـه وقـرط
يـــسوقـــه الله ظــل وبــرود ومــزون
الــلي فــقد شــيبـته وامـه مـن سـقط
والـلي مـعاه ومـا حـضن صـدر حنون
قـــدام رجــليــهم تــعثــر وتــنزحــط
(مـا يـولـد الابـداع مـن رحـم البطون)
(طـويـر شـلوى) مات لو خاكور عط
مـوت الـذكـر ماهوب من ريب المنون
ادري اقـول اشـيا عـلى خلاف الـنمط
والــمســتمـع يـبغـاهـا سـيده بـالاذون
بالله بــعز الــقايــله لــلشــمس ســط
مــاتـروم لان الـضو سـيده بـالـعيـون
كــثيــر قــالــولــي كلامــك والــنبــط
ضربن خيال وضرب من فرط الجنون
والــشعــر والــشعــار خـراط وخـرط
مـن دون شـاعـر نـادو اسمي وتكفون
ســنيــن وآنــا ضــم فــالاوراق خـط
مـن شـان لاتـجي صـورتي فالتلفزون
وصـراحة" امـلح مـن الـملـح بـزلـط
ان قـيل يـاشـاعـر وتـدري وش يـبون
يــعنــي بلا مــاتــلف وتـزيـد الـعبـط
عــطنــا غـزل مـايـنذكـر قـدم الـتتـون
لـــسانـــي الــملــواي زادوه بــربــط
مـالـومـهم (عـين الـيمـامـه) يـفقعون
