صباحك والمدى زهرة

صباحك والمدى زهرة

وعطرن فاح بأنفاسك

صباحك والندى قطرة

وعشقن يروي إحساسك

صباحن يرسم البسمة

ويحضن فالسما عصفور

صباحن يرسل النسمة

وينثر في سماك النور

صباحن في عيونك فيض

يزهر من دفاه القيض

صباحن يلثم عيونك

ويطوي ليلي العابس...

أنا هالمغرم الباكي

أنا هالنازف العطشان

أنا من بعدكم شاكي

كثير الشوق والحرمان

احبك اسمعي صوتي

عصافير الوله فيني

واحبك يفضح سكوتي

دموعن تسكنه عيني

وتسقي عرقي اليابس...

عشقتك قبل لا أشوفك

ومن شفتك غديت أهواك

غديت العاشق حروفك

وقلبي لو تبي يفداك

احبك يصرخ بصدري

غرامن طار به طيرك

احبك فالدما يجري

شعورن ما يبي غيرك

احبك يا شعاع الأمس

احبك دمعتين وهمس

وروحن في هدبها شمس

تحضن جفنك الناعس...