طلبتك كلمة وحده
طــلبتــك كــلمـة وحــده إذا ودك تـجين اتجين
وإذا ودك تـخــلــيـني فــأمــان الـله خــلــيــني
إذا ودك عـلى الـفرقـى أنـا مــا أجـبرك تـبقين
تـرى لا نـي بـمحتـاجـك ولا قـربـك يـواسـيني
أحـبك إيـه لـكـنك تـركـتـي فـالـحـشـا جـرحين
تـركتـيني غـصن يـابـس أصـيح الآه وسـنيني
طغى جرحك على جرحي وزاد بطعنته سكـين
وجـيتي ألـحـين تبغـيـنـي تـناديـني وتـشـقـيـني
انــأ مانــي بمتناســي ولا ألعـب عــلى الحبلين
نعـم أهــواك بإحـساسي وتــنزف لك شراييني
حــبيبي يا بعــد روحــي حبــيـبي قــلتها ألـفين
تــرا بعــدك عــن عــيوني يعــذبني ويشـقيني
نــسيتي أجـمل أيامــي ورحـتي للــجفا تسعين
رحــلتي لــلهوى الــكاذب تقولي ياهوى ويني
طــعنتـيني بـلا رحمه خدعـتي قـلبي المسكين
وأنا الـلي كنت أظن انـك بعد جرحي تداويني
طلبـتك كــلمة وحـده إذا ودك تــجـيـن اتـجين
وإذا ودك تــخــلــيني فــأمــان اللــه خــلــيني
|
