تــمهــل دوم يــاشــرطــي قــبل لا تـشهـر الإنـذار
وخـل مـعك الـتفـاهـم ود قـبل ل تـقول أنـا غلطان

تــرا الإنـسان لـه أعـذار وانـته تـرفـض الأعـذار
ولـو مـاكـان لـي عـذري م كـان الـلي رأيـته كـان

تــقول إنــي أخــليـت بـنظـام الـسوق والـمسـيار
وكــل الــلي بــدا مــني غــلط مــايــذكـره انـسان

قـطعـت بـموتـري سـاعـات تـوصـلني لباب الدار
ومـاحـسيـت غـير بسايق(ن) يمشي وهو دهمان

يـعرقـل سـير مـن يـخطى وراه بـطول هـذا الـقار
ويـرفـض يـفسـح لـغيـره يِحَسْبِ انـه بـذا ربحان

وإنـته شـايـف (ن) حـالـه ولا هتميت باللي صار
وكـل واحـد يـريـد الـبيـت ومـن شـغلـه ترا تعبان

ولاهـتمـيت بـالـلي يـصيـر لـو انه سبب الأخطار
ولـو كـان الـخطـر قـادم مـن الـلي يـدفع الأثمان؟

وانـا لـما فـضى الـشارع تـجاوزتـه بدون اضرار
دريــتك تــسرع لأجــلي تــشغــل بــعده الــونــان

وتــعطــينـي مـصابـيحـك لأوقـف بـعدهـا بـأمـتار
وتـتحـجج بـخط الـسيـر وانـا سـايـق وانا غفلان

وتـنسى كـل مـن عـرقـل مـسيـر الناس والأسفار
وتـوجد ألف عذر(ن) له وأنا في مبدأئي خسران

نــزلــت بــنقــدك تــغلّط وتـرمـي بـالـتهـم مـقدار
ولا ســميــت بــسم الله ولاتــعوذت م الــشيــطان

وخــليــت الــقلـم يـكتـب كـأنـي مـجرم(ن) غـدار
مـخالـفت(ن) ويـاكـثر الـذي يـخطـون بـالـميـدان

م كـــفاك الــلي بــالــشارع ولا لــحزام والــرادار
بــغيـت بـغلـطتـي هـذي تـزيـد الـثقـل بـالـميـزان

تـرانـي شـايـف الـشارع وعـينـي تقوى للإبصار
وعــقلـي مـع لـوايـحكـم م أسـرع لا ولا طـيشـان

وانــت الـراس بـك يـابـس ودمـك لـلمـعانـد حـار
ولــكن الــذي يــاكــل بــنهــم يـحس مـو شـبعـان

كـــأنـــه بــينــي وبــينــك حــساســية ودم وثــار
م كــنا مــن أصــل واحــد وتــجمـعنـا بلاد عـمان

وسـرت تـبشـر اصـحابـك بـهالـقوة وهـالإصـرار
عـشان تـحصـل اعجاب(ن) وبعده ترتفع بالشان

وعـدت لـشارعـك تـبغـي ضـحية وهـم فـيه كـثار
ترا صرنا ك(مستربن) وانته صرت (سوبرمان)