مواعيد المواني
خــبريــني عــن مــواعــيد الــموانــي خــبريـني
يــمكــن أســافــر بــعد بــكرة عـلى أول سـفيـنة
ويــن مـا ودك تـبيـني .. أعـرف انـك مـا تـبيـني
رايـح وبـدون رجـعة ( يـقطـع الـحب وسنينه )
وش دخــلنــي فـي مـكان فـيه يـلفـظنـي حـنيـني
وانـا كـل مـا جـيت قـربـه .. أتـلقى سـهم عـينـه
مــرجـحتـني كـل أهـوائك وهـي بـقبـضة يـديـني
يـوم كـان الـبيـت بـيتك .. نشوة العشق وحنينه
هــكذا الــلي مــن تـبرى مـن مـصابـه يـنتـهيـني
مـا دروا إنـي أعـيش بـنصـف حـي واسـتكـينـه
لا تــصحــوا جـرحـي الـلي لـو تـأسى بـل طـينـي
مـا يـكفـي هـالـغيـاب .. وبـعد إيـدي عـن يـدينه
أش يصير أكثر من اللي قد حصل لي إن نسيني
وش بقى لي من العمر في واحتينك يالمدينة ؟
لا تـــوافـــق بـــين كــفة شــدك وذعــذاع لــينــي
لــي مــتى وانــا مـثل طـفل وإنـتي تـنهـريـنه ؟
يــا مــواعــيد الــموانــي لـو سـمحـتي خـبريـني
عـن عـقارب سـاعـتك لا مـن غـديـتي بالسفينة
