حـزن يـغتـال أفـراح الـقلـوب وجـرح يا كبره

وهــمٍ كـبر هـالـدنـيا عـلى الله نـقدر ْنـشيـله

تـموج عـيون أصـحابـي وثـكلى هـذه الـعبرة

تـنهـات وألـم وأحـزان ودمـعٍ يـنحـدر سيله

عـويـلٍ يكسر الخاطر صراخ وحرقة وحسرة

وجـلمـود الـصخر هالحزن يتفجر ويدمي له

لبس ثوب الحداد الكل من ساعة وصل خبره

مـصابٍ هـزّ ديـرتـنا دَمـع الآحـباب تـرتـيلـه

كــسر بــقلـوبـنا يـا الله إلاهـي نـطلـبك جـبره

وتـجبـر خـاطـرٍ مـحزون تواسيه وتعزي له

وأمٍ قــلبــها ربــي تــقوي عــزمــه وصــبره

على فقد الضنى بالرحمة تتوسل وتدعي له

وأيــتامٍ عــلى فــراقـه تـشب قـلوبـهم جـمرة

عـليـه الأرمـلة تـندب صـباح الـيوم والـليـلة

يـزيـد أحـزانـهم لا مـر طـاري يـلهـج ْبـذكـره

يـذكّرهـم صـغيـر الـسن لـي يـبكي ينادي له

يـدّور فـي ربـوع الـدار، قـالـوا له يجي بكره

تـجي بـكره ولا مـعهـا الـذي يـنتـظره ْيجيله

صـغيـري والأمـر لله أبـوك أهـدى لـكم عمره

وهــذي حــكمة الـمعـبود لا قـوة ولا حـيلـه

نـعم الأقـدار تـحكـمنـا وقـدرة خـالـقي وأمـره

الأجـل مـكتـوب مـا نـقدر لـتقـديـمه وتأجيله

إلاهـي لـطفـك وعـفوك تـونـس روعته بقبره

بـنورٍ مـن ضيا الجنة عن الظلمات يسني له