 |
قسم شعبي متنوع
حلم مجرد |
|---|
حلم مجرد
حلم جديد...وسالفة أكبر شوي
حصان جامح...وامنيات
واغنيات..تعيد نبض الطين حي
وسما..تسافر في زواياها
عصافير الوله
وبقايا من ريح ورماد
وأنا لعينك أنثني
أنا مجرد شخص...
مر بموسم الأمطار...
نادى هالزمن... يوقف
قام الزمن يمشي على رمشي
ويأخذ من قصاصات الخريف
أحلام..
..........
أخذتني والقلب بيدك رهينه/
سرقتني مني وذقت التناهـــــيد
أذكر حزمت الشوق ولمحت عينه/
تذرف على خد الليالــي مواقــيد
ضجت بقايا الريح تسألني وينه/
قلت الخريف المرتجى ينتظر عيد
العيد ياشبه الندى...بي حنينه/
ياشبه أغصان الزهر والعناقيد
ضم الخفوق الورد...يلثم جبينه/
وعانق أطياف أختلت به مواعيد
:
:
فجأه
فجأه رسمت الشمس
وصرخت فيها همس
أبعد من عيوني
واقرب منافي اللمس
جيت أسكب امطاري
واستوطن ترابك
لقيت عشب... ومي
صحرا..رمال وفيء
موال بعيوني..نادى عصافيرك
وكلام باهدابك
خافت كهمس الليل
به رعشة الحيرة
وكبرياء الخيل
.
.
ياحلم عابر طاح خلفي وقدامي/
متى ألمك ضيء..وانفاس وسوالف
متى يحين الشوف واكذب أوهامي/
متى يقيني فيك...يصدقني...
دون اعذار...
سافرت مثل الغيم
بعيد وين أرضك
أمطر على كيفك
سافر على كيفك
أبعد على كيفك
سموها بالأحلام
ياصبحي الأشرق!
عشان لا يمكن..
للحلم يتحقق
وانته على كيفك
|
|
|
| | |
