رحلة شتات !

بـرد وحـنيـن وعـاصفه وانفاس مبحوحه      و"هـاجـر" هـنا بـين الألـم دمـعة تبل الناي

مـا ودي عـينـك تـنحـني يـا قـلب مذبوحه      وتـضمـني بـرد ومطر .. لهفه تريد رضاي

تـكفى الـمطر لو ضمني ما سدّت جروحه      ولا سـدّت غيومه "أنا" ولا سدّها شرواي

شـفت الـحزن كله هنا حط روحي بروحه      ومـن قلت أودع غصته قال الحزن رجواي

فــينـا بـداية لـحظة (ن) وأيـام مـجروحـه      وفـينـا مـعالـم ضـحكة (ن) واحلامها وياي

وش قـد بـكانـا حـظنـا مـن وقـتها بروحه      وش قـد بـكتنا رغبة (ن) جف ريقها للماي

فـي داخلي هم(ن)كبير ما أصعب شروحه      وفـي داخلي حب(ن) كبير ما مسته نجواي

وما مسّه في قلبي وطن أيست بصروحه      ودورت فـينـي داخـله ومـا قـد لقيت هواي

يـا جـرحـيّ الأكبر خلاص ملتني وشوحه      ومـليـت مـن كـثر الـعنا ومليت من مسراي

خـذنـي حكاية مولد (ن) في حزنها دوحه      وخذني نهاية رحلة (ن) تجمع شتات مناي