 |
قسم شعبي متنوع
و أكتفي |
|---|
و أكتفي
يا عبدالله إذا مر الحنين هناك تابوتي
. . . . أجيك أجمع شظايـا الشوق وأنثرني
على وجهي وألـم الـنـار بسكوتي
. . . . أريدك لو أجيك جــروح تعذرني
هنا
هاجر بكت
وجهك
وتدري !!
من رحل صوتك غديت أشلاء
يمكن مثل ما كانت
عيوني
ويمكن
تنتحر أشياء
.
.
.
في ذاك المستحيل أهواك
وأدري المستحيل أنساك
وأدري
تذبل الأنفاس في روحي
ولا ألقاك
. . .
فديتك لو تجافيني أظل قمره
تنوّر دنيتك مره
ومره
تحترق فيني
وأصير بخاطرك جمره
. . .
بعااااااااد
يا ذا البعيد
خلك على رايك بعيد
وأبكي إذا مرك خبر
هذا البعيد
أصبح قريب !!
بس في هوى غيرك حبيب
. . .
وأنسى أنا !!
صوتك حنين الـعـاطفة وأكبر مـن آلامي
. . . وأجمل من أنفاس الهوى في راحة عيوني
وإن غاب عن عيني تراه ألقاه بأحلامي
. . . وشلون بس يـا منيتي ترتاح من دوني
ومرت ثواني المسأله
وصرنا بعد
رغم المحبة .. مهزله
وطاحت أنا
.
.
.
صوتك سحر تدري السحر يشبه عنا أيامي
. . . . يشبه عذابي ..لوعتي دنياي وشجوني
لي حط (ع) جروحي أموت وتزف أقـلامي
. . . . حتى الشعر ما يوصله في غبة جنوني
رجواي لا تقطع علي صوتك عـن عظامي
. . . . خلك معي دمعة فرح والله يا مضنوني
. . .
"ماما"
و روح مكّسره
"ماما"
أوراق وهم ومحبره
ومليون شاعر ينتحر !!
لا جات هاجر
وألف حرف بمقبره
والجرح حاضر
. . .
وأنده عليك .......؟!
ودي أضمك بالحشا وآخذك بأوهامي
. . حتى الوهم في حضرتك أحلى من فنوني
خلني أعيش بجنتك يــا كل إلهامي
. . وأعطيك من ناري أمل وأسقيك من لوني
وتنام غيمة
ويصحى الحنين بداخلي
وأرتاح في طاري اللقا
ولا شي لقا
إلا الألم
في سكتي
ألقاه كل لحظة
ندم
.
.
.
وأنسى أنا
ضمني أبي أحس الدفا قلي هنا نامي
. . نامي على وجهي حلم وأصحي على كوني
والحلم أكبر من كذا
شايف حدود الريح
وأنفاس الشتا
وهذا الجريح
وألمس بعد دمي كذا
وأرويني من
بعدك سدم
وأنا
والله لا أخليك بدمي وألبسك إحرامي
. . . . وأترك تفاصيلي على ذكراك ينسوني
وأكتفي
أنثر بقايا الأسئلة
في وحدتي
دونك أنا صحرا
ولكن عزتي
ما تختفي
وأكتفي
.
.
.
|
|
|
| | |
