 |
قسم شعبي متنوع
أنا أم لكن |
|---|
أنا أم لكن !
الإهداء إلى سليمان
وحيدي الذي فقد النظر وأصبح طفلاً عاجزاً إثر حادث سير أليم
كان في ظهيرة أربعاء حزين من شهر إكتوبر 2003 م
سليمان إبن القصيدة
يبلغ الرابعة من عمره بإذن الله في الـ 13-6-2007 م
أسأل الله العظيم رب العرش العظيم أن يشفيه وأن يرد له النظر .
_1_
أنا أم
لكن
"وينها (ماما) عن إذني"
ليه ما أسمعها منك
ليه كل ما قام يومي
قلت يمكن
وينطفي يومي
تغيبني الأماني
ولا ألاقي غير إني
صارت "إني"
|
\
ماهو منك
ايه أدري
ولا هو مني !
_2_
ليت بس تعرف علامي
ليه أنا أبكي وليدي
ليه دمعي غرّق الدنيا قصايد
كل ما غنيت بيها
ما أبيها
ما أبيها !!
|
\
ليتهم يدرون فيني
ليتهم حسوا أنيني
ليتهم ما صفقوا لي
يوم رتبت القصايد
وكل ما ونيت بيها
ما أبيها
ما أبيها !
_3_
شوفهن
ياللي ما تقدر تشوف !!
عدّن أربع
وآنا ذبحتني الظروف
وما سأل عنا وراح
:
:
:
شوفني
بالله أقلك شوفني
شوف عشريني بكتني
صرت أكبر من سنيني
وحـزن هالدنيا يبيني
وما أبي غيرك بعيني
بس شوف
بس شوف
_4_
لك عيوني
خذها ما تغلى عليك
وروح إلعب
قوم وإلعب
لي متى بتظل نايم
ويبقى هذا الهم قايم
وانته نايم
يا عيوني
لك عيوني
شوف هالألعاب تندهلك إليها
كل حلمي بس أشيلك من عليها
( قلت لك خلي الحديقة ومن يجي هالليل تكفى رد للبيت وتعال )
وآآآآآآه حسره
من أكلم ؟!
انته تفهم وش أقول ؟
يمه تفهم وش أقول ؟
ما أقول إلا أبيك
تاخذ عيوني لعنيك
بكره انته تشوف بيها
تقوم تلعب
أيه تلعب
وإلا بتعب
والله بتعب !!!
_5_
وآآآآآآآهـ
يا حزن لو شالته كل الجبال العاتيات
تطيــــــــــ ح !!
وأنا
هذا الصدر ما ضاق به بس فـ الدموع
آطيــــــــــــ ح
وآرد أرفعني واطيح !
وآرد أرفعني واطيح !
وآقوم من طيحة عنا هاليأس
أشعلني أمل
كلما أشوفك تبتسم
ويصير حزني ريــــــ ح !
وآضمك بروحي واصيح
وتبتسم
وتبتسم دمعة أنين بداخلي
وتــطيــــــــ ح !
وآقوم
أكتبني شعر
وآقوم أكتب قصتك
(إبني سليمان الجميل
كان ياما كان ... كان)
_6_
ضاق صدري
ولا برد هالكون يقدر يطفي في صدري اللهيب
وآنا غير الناس صدري
لا سما له أو حبيب
مالي غيرك بعد ربي أشتكيـ له
من يحاصرني النحيب
::
::
هـ الدموع اللي بكتـ ك
ما رضت تخلص وتمشي
ساكنه ما بين عيني وبين رمشي
كل ما اشوفك وحيد
وكل خلق الله بعيد
ساهيين ناسيين
ينذبح صدري واعيــــــد
إنته وحدك من أعيش لأجل عينه
لا صديق
ولا رفيق
ولا قريب
_7_
أنا
أم
لكن
وينها "ماما" عن إذني !!!
والسنين تقدمتني
والعمر ما عاد فـ احلامه الكثير
والظهر ما عاد يقوى ع المسير
كل هذا الهم هدني
والليالي عذبتني
وآآآآه يا إبني
وهذي الآآآآآآه ما مره نستني !
|
|
|
| | |
