جـتنـي تـقول إشـفيـك ؟ لـيه إن شـفتـني تـرتاب
مـو حـلوة أنـا فـعيـنك ؟ عيل قالوا علي زينة
جــتنــي وشــايــلة مــعهــا ســلة أسئلة وعــتاب
شـاعـر والحكي معسول وقلبك م العشق وينه
أنـا وشـعاد يـنقـصنـي لـعصـفك مـا لقيت أسباب
مــا بــي شــي يــتعـيب ولا لـي سـمعةٍ شـينة
أنـا فـي ذمـتك يـعنـي وش الـلي بـخلـقتي ينعاب
أنــا مـانـي مـثل نـورة ولـيلى وريـم وزويـنة
كــانـي وقـفت وشـوف تـفاصـيل الـجسـم جـذاب
طويلة والخصر مهضوم وحسني فاق تكوينه
وعـينـي بـالـنظر تسحر ورمس العين والأهداف
ملامــح كــلهـا تـبهـر كـل مـن يـنظـر بـعيـنه
وشـعري فـارعٍ طـولـه حـريـري عالمتن منساب
مـا لافـه أبـد سـشوار وطـبيـعي حـيل تـلوينه
تـصدق عـلبة الـمكـياج بـغرفتي ما غدت تنجاب
وشـريـت الـبارحة وحـدة عـشان أحطها زينة
انــسمـع بـالـمثـل لـي قـال مـادح نـفسـه وكـذاب
لــكن كــافــي جـدامـك مـثل ورد افـبسـاتـينـه
مــع ذلــك بــتســتغـلى فـينـي كـلمـتيـن إعـجاب
وأنـا لـو مـنك اسـمعـهم يـحس قلبي بطمأنينة
ولـعلـمك لـو مـشيـت هـناك تـتكـسر كـثير رقاب
تــشوف الــكل يـتلـفت ويـهمـس بـينـه وبـينـه
مـع إنـي لابـسة شـيلة وعـباية وع وجـهي نـقاب
لــكن لامــشيــت أفــتن كــما خـيل فـميـاديـنه
وش الـلي عـاد مـا يـعجـب جنابك قول لا تغتاب
أبـيك تـقولـها بـوجـهي ولو هي ما هي ابهينة
وإذا كـان الـسبـب فـقري فـقيـره وما علي عتاب
قـسّم الأرزاق سـبحـانه ونصيبي عاد مسكينة
أنـا مـالـي رصـيد افبنك ولا أصلاً فتحت حساب
وأبـويـه عـايـشٍ يـومـه وع بـاكـر ربـه يعينه
لــكن عــاد ربــانــي بــكرامة وحـشمة الـجلـباب
وقـال إن الـفرايـض خـمس وذا واجب تأدينه
أنــا بـنت الـفقـير الـلي مـلك عـالـم بـدون كـتاب
وأنـا بـنت الـملـك يـلي عـجز يوفي ربع دينه
نــعم هــمي فــقط إنــك تـجي مـرة وتـدق الـباب
وتـطلـب إيـدي مـن أمـي بشريعة ربي ودينه
تــرا الـوالـد تـعيـش أنـته تـوفى ومـا لـنا أقـراب
يـتيـمة عاد أنا دونه عسى ربي يرحمه فطينه
لــكن بــس أبـي تـعرف كـثيـر حـولـي الـخطّاب
ومـو ذنـبي عشقتك أنت لي قلبٍ ما لي اثنينه
أنـا لـو قـلت أبـا مـهري عـروبة مـا بـها أجـناب
فلا يـبقى بأرض القدس يهودي مو على دينه
أنا أستاهل ذهب وزني أصيلة ومن نسل أنجاب
أنــا لــو قـلت ذا مـهري لـقال الـكل تـسويـنه
