كــل شــبر ابـها لـوسـعيـه مـلك ربـي تـعلـميـن

 وأعـلم إن الـلي خـلقـني هو خلق لك هالعيون

لـكن انـتي مـن جـلسـتي وانـتي فـينـي تحدقين

كـن مـا بـه نـاس غـيري بهالكراسي يجلسون

لـو سـمحـتي عاد سمعي وحتى لو ما تسمحين

الــمهــم الــلي بـقولـه تـسمـعيـنه ويـسمـعون

ع الأقـل لـيا نـظرتـك سـوي روحـك تـستـحيـن

غـضي طرفك مثل غيرك خوف ربعي يلمحون

الـركـادة عـاد زيـنة والـحيـاء فـي الـبنـت زيـن

 وفـــيك آزم لا ركـــادة ولا حــياءٍ يــذكــرون

تــعرفــينــي أعــرفــك؟ مــذكــر إنــا مــلتـقيـن

 لا أعـرفـك مـن تـكونـي ولا تـعرفي من أكون

وإطـمأنـي أن كـان قـصدك بـس فـيني تشبهين

 مــا هـو أنـا إلـتعـرفـيه والـبشـر يـتشـابـهون

مــا دريــتي مــالــتشــابــه يـخلـق الله أربـعيـن

 وأعـرف أربـع يـشبـهنـك بس والله يستحون

وإن كان قصدك شي ثاني عاد قولي وش تبين

 خـايـف إنا نصير فرجة وإلماشتروا يتفرجون

وإذا ع الـبال عـاجـبتـني لا يـحوشـك تـحلـميـن

صـج ربـعي مـن جـمالـك فـيك صـار يمدحون

بـس وش لـي فـي حلاتـك دام فـيهـا تـرخصين

 حــشمة الــبنــت وحـياهـا والـكرامة يـلفـتون

ولــو تــوفــر فــيك هـذا مـع حلاتـك تـبشـريـن

 مـا هـو أنـا ألـف غـيري بـاب بـيتـك يطرقون

وش علامـك رغـم كـل الـلي أقـولـه وتـسكـتين

 مـو طـبيـعي هالسكوت وهالبرود وهالسكون

إنــتي خــرســا أســألــك ولا مــانـك تـسمـعيـن

 قـالـوا ربـعي ذي كـفيـفة قـلت لا لا تـمزحون

لـين شـفتـك يـوم رحـتي يـمسـكونـك مـالـيديـن

 مــا دريــت إلا عـيونـي أربـع أربـع يـنزفـون

آه يــانــي مـنه مـشهـد يـوم شـفتـك تـرحـليـن

 جـيت اشـوف عـيون ربعي لقيت كل يدمعون

قــلت ســنّة هــالــحيــاة وحــن تــرانـا مؤمـني

 الله الــــلي مــــسيّرنّا بـــين ك وبـــين نـــون

وكــل أبـونـا نـختـلف مـع إنـنا مـن أصـل طـين

 سـبحـان يـلي مـصورنا ولله في خلقه شؤون

يــعنــي حــنا كـل أبـونـا عـاد إسـمنـا بـنادمـين

 ولـيا قـضى ربـك أمـر وقـال لـه كـن فـيكـون

فـــينـــا يـــلي رازقـــنه خــير رب الــعالــميــن

 وفـينـا يـلي هـو لـعطفه بحاجة القلب الحنون

وفــينــا يــلي مــا شــكى مـن عـلةٍ كـالآخـريـن

 صـــمٌ وبـــكمٌ وعـــميٌ فـــهم لا يـــفقـــهون

بــس قــليــل عــاد فــينـا لـلنـعم هـم شـاكـريـن

 والله يرزق هالخلايق من حيث هم لا يعلمون

وتـدري عـادك يـالـكفـيفة حـن تراى متشابهين

 وإن مـا عـمت أبـصارنـا لقلوب أهم إليعتمون

يــالــكفــيفة يـالـعفـيفة إن قـلت آسـف تـقبـليـن

 يـغفـر الله ذنـوب عبده ليا خطا وهل تغفرون