 |
قسم صدى الوجدان
سهام العيون |
|---|
أبسألك يومٍ تمر وترسل سهام العيون
متعمد ٍوانته تعرف انه صعيبٍ صدها
أبسألك يا صاحبي ما خبروك انك فتون
وان انظراتك كالخناجر لي رهيفٍ حدها
وسنى لها سود الهدايب زايده ع الكحل لون
في ظلها ترف الاوجان اللي تفتّح وردها
والعود من زود اعتداله يسحر اللي ينظرون
يسلب عقول الناظرين ويفتن ابو جدّها
حسبي عليك ان كنت قاصد تثّر بفكري جنون
وحسبي على ذيك اللواحظ عاد منهو قدّها
مريت ثم جريت معلوق الحشا عقب الطعون
وانا قريت الفاتحة لروحي وقمت أردها
بعثرت قلبي يا هوى مثل الرياح على الغصون
وقلبي من بحور القوافي مفرداته عدّها
أواه من سود الهدايب هيه يللي تعذلون
الموت له أسباب إما رمشها أو خدها
خدٍ يرفرف مثلما رفراف برقٍ ع المزون
قصة من الحسن الخيالي لي صعيبٍ سردها
واقدامها لا داست أثمار العنب ما يثّرون
أقدامها من مشيها نبت الخزاما ودّها
والورد وزهور النفل والنرجسي لو تعرفون
والنحلة اللي شافت المكنون عافت شهدها
هل كيف أنا ماصير مفتونٍ ومغرم بالفتون
وانا الذي سود الهدايب هايمٍ في ودّها
لا والله اني هايمٍ فيها إلى حد الجنون
خذت فوادي والعقل والروح ماشي سدّها
|
|
|
| | |
