_‏وجه سجاده_

هنا لا صارت الذكرى شعور وصرت أنا الوجدان      بـسوق الـشعـر مـيلاد الـصبـاح بوجه سجاده

واوقــد لــلقــا طــعم الــغرام الــمغــرم الــهيـمان      واغـرس هـالأرض قـلبي هيام لك طيب العاده

وافـرش ذي الـصبـاحـات الـوليدة مُهجة الإنسان      إلـين الـشمـس تـقرانـي (أنـاي) بصوت مّيادة

وابـعث لـلنـقا نـفس الـحديـت الـمخـملـي الـهتـان      واقــل لــلقــلب يــتنـفس غُنـا ويـبيـن إنـشاده

وارسـم لـوحة الـلحـظة الأكـيدة رعـشة الـخفقان      عـشان الـروح تـتوهـج وتضوي عطر تعتاده

لأن وقـــتك الأمـــثل خـــذانــي بــروعة الــفنــان      ولــملــمنـي لـحبـك شـارعٍ مـاخـاب مـن نـاده

لأنــي صــرت مـن حـبك حـبيـبي مـورد الـتحـنان      تــوّرقــني الــحنـايـا شـاعـرٍ فـي عـيد مـيلاده

وكـني صـرت أنـا ذاك الـهنـا فـي البوح والكتمان      أبصرخ بالقصيد أكثر واصمت حيل يا ساده!!

اكـيد الـشوق فـي عـينـك حـياتـي كـالمطر ظميان      إلــين الأرض يــلقــاهــا ويــروي قـفر وقـاده

حــبيــبي والـمسـا عـطر الـكلام الـوارف الألـحان      دخـيلـك غن لي ويبقى الحديث لعصر (ولّاده)

عـشان أرقى واحـكي قـصتـي يـامـا وكـان وكـان      هـاذاك الـلي خذاني جا بقى لي وكنت اسياده!

كــذا يــعنـي خـذانـي بـلوعـته واهـدانـي الإيـمان      بــإن الــحب هــو كــل الــهنـا لـو طـل جـلّاده

وإن الــحب هــو طــعم الــعذاب ولــذة الـحرمـان      وإن الــحب هــو كـفر الـليـال لـو بـان إلـحاده

وأن الـحب هـو نـبض الـريـاح فـمعـمعة غـرقـان      وأن الــحب هـو بـحر الـعنـا والـضف أمـجاده

وانـا لا صـارت الـذكـرى حـنين ورعشة الوجدان      بـسوق الـوجـد مـيلاد الـصبـاح بشف سجاده