 |
قسم ديوان الصقر
هجوم مباغت |
|---|
غارت علي بحبها وسط صدري
....=كنها تبي تعلن لقلبي دماره
سارت على نهج المشاعر بفكري
....=خلت حياتي تحت رحمة حصاره
....كيف المشاعر سلمت أيده أمري
=وخلت سنيني تتبعه في مساره
كيف أجتياحه يلفي بدون مدري
....=سيطر على فكري وعلّ أنتصاره
انضمت أبيات الشعر فيها عذري
....=تحمل معاني آتيه عن جداره
أصدق وأشرف واحد اهوه يدري
....=حبه ينبأ خافقي عن مداره
أنهت رواية خافقي حد صبري
....=وأعددت بحر الشعر يسبي نهاره
زحفت كتائب وحدتي تحمي قصري
....=تجمع جيوشي ترجعه عن قراره
هذي وذيك وحبهن فيني حصري
....=يمكن زماني حطهن لي استعاره
حتي النهايه قربت منّي بدري
.... =أشوف حتفي رافع ألها شعاره
لولا رياحن تدفع الفلك تجري
....=أرسلّه شعري وأغرقه في بحاره
|
|
|
| | |
