 |
قسم متنوع
(يا المسافر) |
|---|
(يا المسافر)
بس أنا أسأل عليكـ
يا المسافر؟!!
أشعلك فيني وتسافر
في سحاب العمر غادرت الأماكن
وكان لك بي عطر ساكن
في جناحي .. وصرت تعزف إجتياحي
يالمسافر .. من قراركـ
وما سألت ولا يجي فـ بالك حضوري؟
ولا سألكـ الليل عني؟
صرت أنا أوله عليك
وأذرف الأحرف شعوري
صرت حاضر في سطوري
عقب أنا ما غبت عنك
عن عيونك
عن جنونك
.. عقب ما خيّبت ظنك في قصيدي
أذكر أني قلت مره
وأنت في حضن المطار
تشغل أنفاس السفر
طفلٍ صغير .. وعذقٍ خضر
لو تهز جناح آمال الغروب
وأنسكب ليلي من أفواه الجيوب
لو تسافر في مدارات الفلك
ما إلك غيري من اللهفة يذوب
راحلٍ والهجر في ضلعك طفل
ما يموت الذنب لو عنّه تتوب
سيدي ما هدنّي غير الملام
ما قدرت أقوى أنا جرحي ذنوب
قلت لك شعري خذه في راحتك
أسكبه أنفاس من عبق وطيوب
وأكتبه لأجل السفر عشقٍ قديم
صدّقة أو أذكره همٍ كذوب!!
أذكر أني قلت مره
وأنت في حضن المطار
عقب ما نامت عيوني احتضار
وصرت ما بين السحاب ..
طيف لأحضان الغياب
لا تحاول تسكن الغربة
حنايا من جليد
ذوّب اللهفة محطات وبريد
واسأل عيونك .. عن أوجاع السفر
كيف تحرث للعنا .. هم وضجر
وجيت أسأل من جديد
بس أنا أسأل عليكـ
يا المسافر؟!!
أشعلك فيني وتسافر
من جروح العمر أيقظت الأماكن
وكان لك بي حرف ساكن
في جناحي .. وصرت تعزف إجتياحي
يالمسافر .. من قراركـ
|
|
|
| | |
