 |
قسم شعبي متنوع
صرخة شوق |
|---|
صـــرخة شـــــوق
ف قلبي حس صرخة شوق ينادي ويشتكي م البعد
ينادي ويشتكي ولهان عديل الروح رايح وين
سعيد القلب ليشٍ راح وغيب فرحــتي والســــــعد
علامه يسرق الفرحه ويرمي بي ف بحر قزوين
يلبسني وشاح الحزن بليلٍ ممتــــلي بالـــــــــرعد
وبرقٍ يلضي بلونه يزيد الـــوحشه أبتلوين
أعد أيام وليالي يصيب مره حســــــاب الــــــــعد
ومره الحسبه تتشابك وعندي ضاعت عناوين
علامك يا زمن جاسي وتعطيني الهجر والصد
ويا دنيا رجيت العطف و انتي بالهب تشوين
تعبني الشوق يا دنيا وأمست حالتي تحتد
أريد أفرح وأنسى الحزن وأنتي للحزن تطوين
أنا و إنسان والإنسان يعاني ما تحمل جهد
أريدك تسعدي حظي ولازم للثقل تقوين
أناأعشق ملاك إنسان دخل قلبي بطيب الود
بطيب يفيق كل طيبه يا دنيا آمرك تروين
حكايه ف صفحة أيامي يترجمها رضيع المهد
عناصرها أنا وخلي ومضمنها لقا الحلوين
ترا قلبي رهيف الحس ويتأثر بنقض العهد
ولكنه اذا عاهد ما يعرف لهجة الخوين
هذا قلبي ومضمونه وفي حل اللقا والوعد
وأنا يومٍ مدحته زين مـــــا زاد المدح فيه تنوين
|
|
|
| | |
