 |
قسم شعبي متنوع
عادت حليمة .. |
|---|
كانت هنا.....
لازلت أذكر عطرها
متوسده صدري وفا
متوسده/
بالعاج في جنبي اليمين
متوسده/ كثر الليالي والحنين
كانت هنا
لا زلت أذكر همسها
لازلت أسمع نبضها
حتى ولو
عشرين ليل ٍ ضمها
كانت هنا
مرت علي بلا كلام
خلف الزوايا والقمر
مثل الهوا
جابت معاها السالفة
وعادت حليمة لعهدها
مثل البيوت الخاوية
لمت بقايا مهاجرين
الحاملين/ قلوبهم/
مثل الجليد
آه ٍ على هالعابرين
في سرب هذي الأقنعة
المختفين فـ هالسواد
في هالظلال اللي تمر
من باب هالركن البعيد
فكيت أزرار الوهم
وأخفيت وجهي بالألم
مثل الحلم مرت علي
متمنطقة
سرب اللقالق والبجع
تضرب نواقيس الوجع
مزمار نادى رهفها
واغتابها
واختال في مضمارها
صوت المدى
كانت هنا هذا المسا
توني عرفت /الصوت إللي جابها
داخل بريد ٍ قادم ٍ من بين أهداب الليال
داخل صناديق الصفيح
وفي جيدها قنطار ريح
محبوبة العمر القبيح
كانت هنا
وش جابها
مثل المروج الغامضة
في درب هالمتخلبطين بـ عشقهم
وش جابها هاللاهثة
تتنفس أقدام العبيد
الحايرين الضايعين
الفاقدين /النور في/ صدْر انبلاج
كانت هنا
لازلت أذكر عطرها
متوسده صدري وفا
وارتحت اني شفتها
وحد الثمالة زاد كرهي لأجلها
كانت هنا
جابت معاها السالفة
وعادت
حليمة
لعهدها
|
|
|
| | |
