 |
قسم شعبي متنوع
هلوسة فراغ |
|---|
هلوسة فراغ
وش اللي صاب هالغرفة ؟
سؤال وتبكي عيوني ..
من اللاوعي أتنهد !
وش المنطق اذا كان العدم حيله؟
اذا كان النفق أسود..
يجاري كذبة المطلق !
تصدق عاد ياكوني؟
عيونك تشبة ألعابي /
وتشبه مرج أوهامي!
وتشبهني
وانا أكنس
مزابل وجهي وعقلي
وتشبهني وانا مجنون !
وش اللي صاب هالغرفة ؟
اجيها البارحة ثاني
اثاثي يحرض العتمه
ستائر صورة المنفى
كأني مصدر اللعنة
وانام بحضنها ملعون !
تنط وترقص الجدران
يميل ويضحك السجاد
واحس بجسد هاللعنة /
بيقتل داخلي مصباح
ويطفي هالقمر نوره
يهج الباب ويتكسر
واحس انه زماني راح!
وش اللي صاب هالغرفة !
تمر بجبهتي شارع /
واحس بنبضي يتسارع
وتزهر صومعة حزني
جفاف / ومشهد / واظلام
اجيها دفتري ميت / كذا وأركع !
أجيها مثل مستنقع / كذا وأركع !
واهيم بكفن أقلامي /وانا أركع
غريب وتذبل أوراقي
بعيد وتسقط أشيائي
ويثمر حولي الدخان
وأفقد عتبة العنوان
غريب ويشبه الأزهار من تذبل
طريد يعانق الأحلام
تصدق عاد ياكوني؟!
انا تابوت هالرحلة
انا الحانوتي والحفار
وانا من يقتل الأشعار
وانا من شاهد اللعنة
وانا اللي قلت تحزم خصرها الدنيا
بلا كلمة/ ولاهمسة
زرعت فـ داخلي معتوه
زرعت فـ داخلي الظلمة
وش اللي صاب هالغرفة ؟!
وش اللي صاب هالغرفة ؟
5/ 5/ 2001
|
|
|
| | |
