محاكمة قلب
بعيد هنـاك تتوجع غصون الشمع من ظلمين
ومشهد يبتدي مظلم فـ حبكة قصتي بصدري
كبر حزني وانا قلبي يطوف الوقت به عامين
ولا ادري بها ايامي وصمت الكون في فجري
يزور كثير تابوتي يزوره اللي كسر ضلعين
بطيفه والسماء تبكي مداد الجرح في حبري
فتح جبهة متاريسة وعاث القحط في يومين
شموع وحلم يتمرجح بلعبة ليلي وسهري
يثور ويقلب الكرسي وينشب داخلي حربين
زماني الي يحاصرني وطيشه بعثر بعمري
انا ياللي تحاكمني حكمت الناس في شرعين
بحبك شرعي الاول وثاني البند في صبري
تحاكمني وانا (سمسار) احلامك قبل صبحين
قبل ما تسقط حصوني وانا غفلان ما ادري
وهمسة ريح قضبانك يزمجر فكها نابين
هذاك الي بعد غدرك وهذا القيد في نحري
متى تبدي محاكمتي وبتلي للملا بيتين
ضمنهم قصة شحوبي وسيرة اسمك بشعري
واذا تنهي محاكمتي وتشطر وجهك لشطرين
اريدك تحشد ف حشدك وتمشي بعيد عن نهري
وانا مدري وش الباقي بذكرى حب من قلبين
وقطعه من ورق ماضي ولفة تبغ في ثغري
يثور اللي تواصيفه بدت لي قحط في يومين
فتح جبهة متاريسة وتردم ثورتي عمري
وانا قلبي مثيل الي بقى وحدة وسط قبرين
يشوف ان الأبد ميت /يقول الباقي في قبري
|
