 |
قسم غربة الدرب
لهفه الشوق |
|---|
هـذي حـياتـي .. جـعلـها اليوم تفداك خـذهـا وخـلي الروح عندك أمانه
وهــذا فؤادي .. مــا دعــيتـه ولـبّاك لـك طـايـع خـاضـع يـعانـد زمـانه
وهـذي عـيونـي .. كـل ساعه تمناك تـطلـب .. ولـكن كـل حـيّ بـمكانه
لا الـدهـر قـرّبني .. ولا الوقت أدناك ولا الناس تترك كل عاشق لشانه
يا روح روحي لو شقا الوقت عاداك دونـي وحالت دون وصلك مهانه
أصـبر لـحر الـوقـت لـوجـاك ما جاك لابــد بــعد الــشد يــظهــر لـيانـه
وأعـلم بـأن الـوجـد والـروح سكناك لـو نـفتـرق .. الـحب بـاقـي كيانه
لــو تــبتـعد مـا يـبتـعد طـيف رويـاك دايــم مــعي هـذي مـعانـي بـيانـه
يــا طـيف مـن أهـوى تـعالـه وحـياك حـرك شجوني بنطق حالي لسانه
ودعـني أعـانـق لـهفة الـشوق وياك يـا طـيف إرويـني بـخافـي حـنانه
|
|
|
| | |
