أصعب قرار

[سليمان الجهوري]

السلام عليكم .....
تقبلوا هذا القرار الصعب فهو نزيف منحوت من دمي



أصعب قرار


صمتي تركته في فمي لجل أتخذ آخر قرار
لكنني أو أنني لا صمت .. يحلى لي معي
يا قصتي أو ملحمة كل الطرق بالإختصار
إبقى هنا _ لا لن أعوفك أوأخونك تسمعي؟
.........
كنتي تقولي لي تعال البارحة
وأنتي تجي وأنا بعد مثلك أجي
والليله وين أنتي ووين البارحه

تدرين وش أكبر مصيبة بينا؟
لما تروحي / .. وأحترق لما تجي
والأكثر أنك من تروحي أحترق

حظك على كيفك تسمينه فراق
وإلا أنا أصلا عيوني حالفه
الحب عمره ماصدق بالأختلاق
الحب أكبر من مشاعر زايفه

ماكنتي إلا في بساتيني ورد
وماكنت انا إلا على شانك أغار
أخاف لامن مرتك عيني بعمد
أشوف عيني هايمه بعينك وأغار
..........
صمتي وعلمته الحكي واليوم من بعد أنتظار
ماخانني لجل السكوت ويخونني لجله فمي
لكنني ياقصتي دام بيدي آخر قرار
اليوم /.. هذا اليوم أول يوم ويخونك دمي

تدرين ... وش أصعب قرار؟
أنك هنا لجلي أنا
وأني هنا لجلك أنا
وفي الحالتين أصعب قرار
‏
ولما يكون الحب أكمل غايته
وأني بلا أحباب .. فاقد كل شي
...
كنتي لي السيرة وأول ماكتبت
وكنتي لي الغرفة وأقلام الرصاص
وكنتي على الأول وأول ماشطبت
......
لاباس لو رحتي وقلتي لي تعال
ولاباس لو جيتك وقلتي لي أروح
أدري بأنك من تجي ... مقدر أجي
وأدري بأني من أجي كلي جروح _
....
البارحه أنتي وأنا
وأنتي أنا والبارحه
صعبه أنا وأقبل أنا
حتى الأنا لي جارحة
مدري ببالك من يمر
وإلا ببالك سارحه
ما خنت أنا لجلك أحد
ولا خانني لجلك أحد
........
شميت بك ريحة عذر
وشميت بي أحلى صبر
ومن يهدي الضحكه لأنثى
ويضيع من أجل العذر
والله ماترضيه أنثى
لو شالها عيونه جمر
....
لحظة أبدل معطف البرد وأجيك
وأحن لك لين أشتعل حبة دخان
وأكتب على أخر سطر أني أبيك
وإني إلين الآن في نفس المكان


مدري إذا صمتي معي
أو خانه اليوم الوداع
أو مر يجرح مسمعي
وإنه بلا حاجة لسماع
...


يا معطفي ..! الليل عرفني عليك
تشتاق لي لين أرتمي بحضنك وأنام
وأشتاق لك من تفتح أزراري بيديك
وأحس في صمتي نطق لجلك سلام
ولو قلت لي والبارحة م قدر أجيك
ما كان في صمت الكتب هذا الكلام




سليمان الجهوري