صلاة الموت

[مختار السلامي]

مدوا الى الظل يا ربعي
لا تاخذوا الشمس من عيني

كان الوفا طبعكم/طبعي
واليوم خايف باقي سنيني

من فيكم العطشان من نبعي
بقطع لكم كل شراييني

مدوا ولكن ما ابي سمعي
يسمع خطا من يعديني

مذبوح وانتم تسرقوا دمعي
مشتاق ابكي باقي سنيني

[مختار السلامي]

مدوا لي الناي الحزين احبابي
واشعلت للفرقا ضلوعي نور

ما انت الوحيد اللي ترست ثيابي
كذبة عطور وما لقيت عطور

لا يحزنك دمع لقى بانيابي
صدق البياض وصبحي المهجور

من يومها هذا الحزن في بابي
ارقد واثاري بابنا مكسور

لو قلت لك ان الجروح اقرابي
واني غديت لاقرباي السور



ما اذكر

[مختار السلامي]

ما به جديد يا حزن تحيابي
عشرين عام بداخلي مستور

[مختار السلامي]

تجتاحني الليله بلا موعد
وانتي جرحتي موعد الليله

يا سيدة عمري وانا مبعد
حزني غفا في مداهيله

جري لصوتي سمعك المفرد
غنيت لك من مواويله

صبري شرد او انا المشرد
ما هي حياتي كانت الحيله

لو كان لك قلب بي يصدق
ما الوم نفسي يوم اصغيله

هذا وانا دون قلب و يد
شخص تعب يتعلق بـ حيله

وانتي ابد ما همك الموعد
يا بخت من يوعدني الليله

[مختار السلامي]

مالي قلب
اسكن الوحده سهر
انا لو كان صبري نهر
كان عشت بسلام
انا وحيد الكلام
معزول عن عالم البخت
واصابعي ترتعش خوف
ملتني الظروف
ومالي قلب
يتعبني سراب الاماني
اقسم برب البيت اني اعاني

[مختار السلامي]

ضميني من البرد
من السنين
من قلوب الحاقدين
من ظلي المقرف
من الضعف وانا المؤمن
انا حبيب الحزن
بس ضميني
فبل كل شي

[مختار السلامي]

من ظما يتحدر الوالف
ما ينتقي غافل الذمه

لو يتركوا عازم السالف
ما يستحي من زمر دمه

في ليلة الكيد والعالف
يصتاخ لك من ترك عمه

زمي على الظن ما يالف
ينساق لك من عزا شمه

يا ليتني واحدٍ ظالف
ما يرتجي فاسد اللمه

يا موردين السقا كالف
في ريقكم ونة الهمه

ودو سلامي للذي صالف
روحي كما تتصالف الرمه

قولوا خويكم طايح وزالف
وابغي جواب الربع والذمه




هذا بعض ما احفظه من نص قديم

[مختار السلامي]

لو بر فيك الزمان وطحت يا شاقي
ما ياسعك بالزمن غير الذي مكتوب

وان صار بحر العتب ما يزهم الساقي
ما جاد غيم العطا غير الذي مسلوب

لي حاجة ما زهت في مظلم اعماقي
لي حاجة قدرها غالب وانا المغلوب

يا وحشة لو تبيد الجاي والباقي
اسعى بشكر الذي ماله ابد محسوب

[مختار السلامي]

أتبع المقفي وأنا جداً غبي
ما تركت لساعي احزاني بلاد

يا ثقيل الجرح اعتق منكبي
مع على مثلي حياة ولا حداد

لو على حزني رضيته مذهبي
ولو على المقفين أهدوني السواد

يا الحزن واللي خلقك بكوكبي
خذ فؤادي كان ينقصك الفؤاد

اما انا مدري بصراحه وش ابي
وكل من اهديتهم روحي..جماد

منبسط في غرفتي حد اتعبي
وما معي الا شموعي والرماد

[مختار السلامي]

نامي على كل جرح يجيك
ما يسعدك الا نواقص كلامي

لو كل جرح بخاطري يبتليك
ما سقت نفسي في شوارع زحامي

مزحوم حزن ويا عساني يديك
واضرب على صدرك واقول السلامي

وابقى انا في داخلك مبتليك
واعلمك كيف الحزن في عظامي

شكرا على كل الجروح وعليك
ولو ما عليك الامر.. ارجوك نامي