لمن يريد مشاركتنا ماضيه

[أسعد المحرزي]

المشاركة الأصلية كتبت بواسطة حمود المهزاع النعيمي

لا تمرون مرور الكرام ... مروا مرور الكرام مع سالفة من سوالفكم الطيبة دعوة للجميع بلا استثناء وانا جدامكم



الله يغفر لوالديكم

جتلتونا من الضحك

شكرا على هذا الأنس والونس

فكرة رائعة مصطفى

وما فيها شي لو ضحكنا شوي لذلك أدعوا الجميع للمشاركة

خذ مصطفى

في الصف الأول أو الثاني

عندنا طالب اسمه عبدالقادر
وعيونه زرق
وتراه أنا من يوم صغير العيون الزرق إمشكلتني ( ما قريتوا قصيدة العيون الزرق وقصتها مع ام نهيان )
المهم
كل يوم أطالع عيونه واقول فخاطري لو عيوني زرق

لو عيوني زرق لو عيوني زرق على هالمنوال

لين يوم وقفت على المنظرة في البيت وخذت القلم الأزرق( وخذي ياعين فين يوجعك ) عقولة خوانا المصريين

الله وكيلكم ما واحيت أصبّغ الثانية
لأنه من صريخي مب إلاّ أهلي لحقو علي إلاّ ثابو اليران وانا أدق في الجدار هذا ويردني ذاك ما شوف شي

لو مب ستر الله جان نفدن لعيون
وخذها مستشفى وخذها ضرب وطنازة واخوكم صاخ ولا نفس

سلامات يا أخوي يا حمود وما تشوف شر ..

ذكرتني بسالفة واحدة رباشة إسمها نورة .. كانت تريد تصبغ عينها بلون رمادي .. والسولعية قالت لها .. لا تسوي كذيه .. لازم تسوي مزيل الأول وبعدين .. كتبي اللي يعجبك .. مسكينة حطت المزيل في عينها وما شافت شي بعدها ..

شوف طالع صورتها .. مخربطة مسكينة .. ناسية الحجاب وحاطة شماغ على رأسها .. ناقص عليه المسواك بس .. وتصير حارسة مسجد