مرثية بن شطيط

[ناصر بن سالم الهاشمي]

بعد غياب طال بي عنكم

الـركض قـــــايم وكلنٍ يرتجي فــــاله
وأنا مع اللي معـــاد السبق يحلالــــه

لانها اتسابق دموعي ع فقد غــــالـي
ما عابــــه الرجل دمعه لن بكى خالـه

مـــؤمن بما يكتبه ربـــي علـى عبــده
مــا غير فضل الصبر نرجوه وانساله

سبحانـــه الروح بأمره وسرها علمه
اذا قضى بالأمر مـــردوده محــــــــاله

والخبــر ياللي وصل ما بش به خاطر
فــي ذمة الله سعيــــد اتيتمو عيــــاله

م الفجر طير السعد أرخى كسر حومه
اسبــوق رجـــل الكفن مشدودة احباله

مـا يبكــي سعيد الا اللــــي لمس فقده
والفقد عـــالي رســومٍ مبعدٍ جــــــالــه

تبكيــه هجنٍِ تــــرازم لـــو بطى شوفه
يبكيــه سيف المنصة عــــد مـــــا ناله

يبكيـــه تـــرحاب نفس تفــرح الــلافـي
والملتقى بــابتسامـــة خيـــر وسهالـــه

يبكيـــه مجلس كرامـــــه مشرعٍ بابـــه
مع مويبٍ مـــا يفارق بنـــــه دلالـــــــه


تبكيه نخــوة علـــى من حــدته اظروفه
مـن مــدةً ك المطر ب الخيـــــــر هماله

تبكيـــه فزعـــــة على من قلت اعزومه
اللـــي للاذ بحمــاه الــــــوقت يصفالـــه

تبكيـــه عصبــة وهيبــة أن بـــــدا لازم
يبكيـــه درب الطوايــــل سهله – اجبالـه

يبكيـــه من جاء يـــرافق نعشه بـــواجب
شيخٍٍ لحـــان السبــــاق ايحطـــــــه فباله

الشاطر اللــــي رسم خط السبق بـــاسمه
حتـــى ارتبط بالرأســـة نصر يـــــــزهاله

لـــن قــــالوا أفعال حطت للــركض شارة
مـــا درهمت بــــالمدى الا بــــافعالـــــــه

مــن فــــات شاطر زمانـــك يا نهب حني
لـي يكسر الــــوقت غـــــــادر سلم هلاله

بكل من طـــاف بيتـــك مرتجـــــي عفوك
يا غــافــــر الذنب تكــرم خيــــــر منزاله

فوداعـــة المستجيب إلــى دعــــا الداعي
يـــا رب ب إيـــده اليمين يسلم اعمالــــه

وبـرحمتك فـــي جنــــان الخلد لــه مسكن
بشفاعـة مـــن نبينا لصحبـــــه والــــــــه

تحياتي بود للجميع /// نااااصر