يا بنت الجامعة

[عباس المسكري]

يا بنت الجامعة آسـف جــاك القــول منثــوره
حسـافة أقولها وصدري به نار الغيـرة ضـرامة

أقول وللأسف أنتي بعلمك صرتــي مغــدورة
حسافة أقولها مليون علــى عقلــك وأوهــامه

تعلمتي ويا خسارة بعلمك صــرتــي مغرورة
شهــادة غــرتك يا بنــت وزدتــي بقامتك قامة

خذيها حكمة(ن مني خذي من القول ميسوره
ترى والله ما يفلـح شخــص (ن) غــره علامه

فسختي عبايتك عنك وغيرتــي لــك الصــورة
لبستي ثوب مش ثوبك حسافة قصيرة أكمامه

أنا والله ما ألومك وأقــول لك هــم معـــذوره
كثار اللــي من أمثــالك غيــر شكل هنـــدامه

تشبهتــي بمادونــا وصــرتــي فيــها مبهــوره
ولا همك يا بنت النــاس عــز وأصـــل وكرامة

على بالك بأفعــالك تكــوني بنــت مشهـــورة
ولا همك يا بنت الأصل عتاب وقــول وملامــة

إبن عمــك نكرتينــه ونكــرتي رايــه وشــوره
وقلتي بدوي وأحلامي أنــا أرقــى من أحلامه

هو عايش وسط خيمه وأبي واحد مع قصوره
أبي شخص(ن)على الموضة متطور به وسامة

نسيتي إن البــدو أهلــك بهــم يا بنــت مجبوره
ولا يفلح أبد من هــو نسى أهلــه وأعــمامــه

إبن عمك سند عمــرك إذا زاد الزمــن جــوره
فــداك بــروحه ودمــه وزاد بهامتــك هــامـة

يا بنت الجامعة سمعي كلامي وهذا موفــوره
من قلتي عليــه بــدوي أنا أشــهد كلـه شهامة

بدوي أيه هـو بـدوي وأبــد ما ينكــر جــــذوره
نعـم بـدوي ولـد بدوي وزينــة راسـه خـزامـه

رجلــه ما يــوطيــها بوســط بيــوت مهجــورة
وشهـر(ن) مالــه به نفقــة أبــد ما يعــد أيامه

حشيم ولا يــوطيــها دروب(ن) دوم منكــورة
نعــم والله مــا داســت دروب الــذل أقــدامه

على رغم الشهادة اللي معك وثــورتــك ثورة
بعينــه جاهلـة وأنتــي أبـد لا شــيء قــدامــه

وأنتـي ميتـة بنـظـره هنــاك بعــيــد مقبــورة
نساك وهم دفــن ذكـراك ودفن الميت اكرامه




تحياتي وتقديري للجميع