|
|
|
| روابط مفيدة :
استرجاع كلمة المرور|
طلب كود تفعيل العضوية | تفعيل العضوية |
.::||[ آخر المشاركات ]||::. |
      |
|
|||||||
 |
|
|
أدوات الموضوع | انواع عرض الموضوع |
|
#1
17-08-2009, 02:00 PM
|
||||
|
||||
هى دى مصر ... قصيده للشاعر محمد عبد القوى حسن
ودى مصر نشيد الروح ودوى المجروح وهوى الايام
مصر الامل المتبقى لغنوة قلبى مع الاحلام انا مصر ان كنت هاغنى واقول مواويل مالهاش فى الحصر هافضل فى غناها وسحر حلاها اقول واعيد ولا اخلص يوم على شط النيل فلاحه خدود قداحه معاها الشاى صياد مفتون بجمالها وسحر احوالها معاه الناى بيلحن دقة قلبه ويوصف حبه مع الالحان قاعد طول عمره لقمره يصيد النجم فى عز الضهر يغزل من لوعة قلبة نسيج الفرقه ساعة ما تمر من جنب الترعه البارعه وجنب السور الواد مبهور لساه فلاح بيغنى يعبر عنى فى شوق الشوق وانا واقف تحت الضله معايا القله شجر برقوق ونخيل مايميل غير للمواويل بيطاطى باحلى سلام وعصارى ترد الروح ونسيم بيبوح وعسل مسموح من بق صبيه عفيه بتعشق شعرى مع المواويل انا مصر دى امى وعمى وخالى وهمى وبنتى هدير وكتايب راكبه ركايب عاوزه تعيش فى جناين الخير ع البر الشرقى ايذادورا تنادى حبيبها وتغرق موت على شط البحر اليوسفى حسن ونعيمه فى اجمل صوت وشفيقه معاها متولى نجيب محفوظ من تحت التوت بيهادوا الهرم الاكبر كل ابداعهم كله صمود كان واقف شوقى وحافظ يحكوا النيل عبر الازمان وبحكوا عن الاساطير والطير ويعدلوا فى الاوزان ودى مصر بهيه وطه وبيرم التونسى وعمى جاهين مصر الجامعه المفتوحه وقلعة علم لكل الناس بتحس الداخل فيها مابين اراضيها بكل احساس مصر البوابه العاليه الام الغاليه حضاره وفن مصر الشابه المحروسه خفيفة الدم صغيرة السن طالعه بعيونها الوالعه وحاده القصه عنيها تجن كان واقف ابن عروس مع هدى شعراوى فى حارة الفن بيهادوا الناس امجادهم يحكوا تاريخهم يكتبوا عن العم جمال الناصر واخد امه فى اوسع حضن وبيرفع يده جبرتى ويحرص ارضى ماعمرة يون على موج البحر الكامل مصطفى كامل هادى الكل من شجرة طلعت حرب فى اول درب نسيم مع فل وعزمنا امام مع نجم ورحنا لحوشهم سيدنا حسين ومحمد على فى القلعه ندانا هدانا وقلنا امين زهران حمدان وغيطانى مع احسان كلنا طالعين فى المغرب يدن رفعت صوت كروان فى ليالى رمضان ويجينا فؤاد حداد من قبل الفجر كما الكروان وفى ليلة العيد السومه بتونسنا مع الالحان وحليم درويش وحمولى وعبده وطه فى كل مكان الخفه الرقه الطبل البلدى صعيدى وبحرى اخر روقان مصر 18 مارس عيد المنيا تاريخ المجد و23 يوليو الثوره الحره حلاوه تصد وتخلى الواحد قايم قاعد حاسس انه مالهش مثيل بطولات فتوحات صفحات امجاد واصاله لشعب اصيل ياسلام ساعة ماقالوها عبرنا الخط وخدنا التار ضربوا الشجعان ضرباتهم حققوا زاتهم عز نهار كان 6 اكتوبر واقف شرق البحر يقولك مر عدى ياعبعاطى زناتى يافتحى ياقرنى وخطى البر ارفع اعلام امجادك هادى اولادك نصر كبير وابعت للام بهيه احلى تحيه دى وش الخير خليها تعاود تانى لعصر اغانى واكل فطير قلها عدينا لسينا بكل سكينه عدونا فر قولى يامايا لولدى حدايا العالم كله اصبح حر طلعنا بطلعه ابيه عفيه قويه كل الغل حطمنا خطوط وحودو وسدود مع دود فى حقيقه وعلم وادى مصر بكل مافيها بزهر واديها بتطلع فوق كان على مع مصطفى امين مع روزاليوسف ليهم حس وروايح السيده زينب نور الازهر فوق الوش وسادات والجمسى وهيكل وضعوا الخطه وجات بالعز ومبارك ضرب الضربه وكانت صايبه وهزت هز كان برضوا السد العالى نوره ملالى فى عرق الطمى قام طلع قطن وقمح ونخل بيرمى من فوق رمى وانا قاعد اكتب شعرى واغنى لمصر واعيد واقول انا مهما اكتب يابلدنا مش راح يخلص منى القول انا نفسى اكتبلك مره قصيده جديده تقول وبجد عن مصر الاصل الحب الفرح الشوق الانس الود الحرب العلم السلم الفكر الحلم جمال القد بصراحه انا اسف جدا واقف عاجز كلى كسوف مش قادر قلمى يعبلا واقف هايم مليان خوف بس المشتاق لبلدنا وقدرة زاتنا سلاحنا عتادنا ييجى يشوف ويزور ويدور الكرنك والاهرام والقلعه ثم يطوف وساعتها يدوب فى هواها وسحر حلاها يحب ثراها مايمشى قوام ماهى مصر نشيد الروح ودوى المجروح وهوى الايام مصر الامل المتبقى لغنوة قلبى مع الاحلام 
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصيده على وزن التغروده الإماراتيه | عبدالله الفزاري | الموروث الشعبي والتراث | 2 | 30-10-2009 03:54 PM |
| أشهر قصيده للشاعر ربيع بن ياقوت | عبدالله الفزاري | الشعر الشعبي | 1 | 12-08-2009 09:43 AM |
| أحلا صوة ربابه للشاعر نايف صقر وبن مرار الكندي | عبدالله الفزاري | الشعر الشعبي | 2 | 03-08-2009 02:11 PM |
| ثلاث قصائد صوتية جديدة للشاعر أحمد العلوي | محمد الراسبي | المكتبة الفنية | 1 | 30-04-2009 08:23 PM |
| جديدنا 9 قصائد صوتية وشلات للشاعر الاماراتي محمد الضباعي | محمد الراسبي | المكتبة الفنية | 1 | 07-10-2008 03:03 PM |
 |
 |
العرض العادي
