وخنتـي للاســف خنتـي...؟

[عبدالكريم السعدي]

لا توجـد لها مقدمـات..

فقط اود ان اهنئكم بالعيـد السعيد وكل عـام وانتم بخيـر
واعتذر لكم عن هذا الحزن القابع بين ثنايا قصيدتي..

ياخـاين والخطـا كلمـة احبــك والسنيـن اغـلال
ـــــــــــــــــــــــــــــــــ مشاعر شاحت بوجـه الغـروب العـابس الغافي

رغـم بعض الجـروح إلا معـاناتي سنيـن طـوال
ـــــــــــــــــــــــــــــــــ ونا رغـم الاسى قلبـي يمـوت الصـادق الـوافي

عطيتـك ذمتـي منـهُ عطـا بعـد الخيـانـة وصــال
ـــــــــــــــــــــــــــــــــ عطيتـك بهجتـي واكثـر ولاحسيـت بــ ســرافـي

عطـايا مالهـا ... اول ... ولا آخـر ... ولا تنطال
ـــــــــــــــــــــــــــــــــ علـى مَــر السنيـن اللي عطيتـك تعبـت اكتــافي

هـديتـك لــذة احسـاسي شعــور بقمــة الاجــلال
ـــــــــــــــــــــــــــــــــ ولــو خــلٍ تـرا مثلـي وفــا مـا يبلـغ اوصــافـي

انـا رمــز الصـدق فينــي انـا الرحـال والترحـال
ـــــــــــــــــــــــــــــــــ وكـانت راحتـي قـلـبٍ عشــانه جيـت لك حــافـي

عشـانه ارخصت كـل الشمـوخ وصار لك شيـال
ـــــــــــــــــــــــــــــــــ عشـانه يسـرت بعض الامــور بـرغــم اسفـافي

واردد كـل مـا اسهـى احبــك ايـه امــوت اخبـال
ـــــــــــــــــــــــــــــــــ وينثرني الحنيـن بأسفلـت ذا البـؤس واجحــافي

نعــم وجهــي تشــابــه بالعنــا والتيـه والاهمـال
ـــــــــــــــــــــــــــــــــ رضيـت اقبــل على نفسـي يكـون الـذل انصـافي

عشقتـك عشــقٍ تعــدى حــدودك للمــدى يختـال
ـــــــــــــــــــــــــــــــــ عشق طــاهر ولاشابه سوى رجفه من اطـرافي

مــا بيـن الاه واحـلامـي نحـت لصــورتـك تمثـال
ـــــــــــــــــــــــــــــــــ طبعت اسمك على صدري وبي مكسور مجـدافي

خطـايا والخطـا بسمة شفـاه بــ هـالبشــر تحتـال
ـــــــــــــــــــــــــــــــــ مثـل بعض النفـوس إللي تخـون العيش يا كـافي

مثـل بعض الرجـال إللي تسمى بـالاسامي رجِال
ـــــــــــــــــــــــــــــــــ تخــون ومــا تشــوف إلا بقــايـا عيبهـا الخــافي

ونا نجمة ضيـاء من السمــو ما تعـرف الاضلال
ـــــــــــــــــــــــــــــــــ شمـوخــي ينتخـي لــو صـار قلبـي نـاكــرٍ جــافي

ولكـن وش يرجـع عـزتي دام الشمــوخ اعمــال
ـــــــــــــــــــــــــــــــــ يبطنهـا الكــلام وتنتهـي مــع صـدمــة إضعــافي

على صحـرا الخيــانة وانكسـار من القهر رَجّال
ـــــــــــــــــــــــــــــــــ وخنتـي للاسـف خنتـي رجــل فـي ذمتـه صــافـي

خيــانة مالهــا عـُـرف وشــرع اقسـم ولا افعـال
ـــــــــــــــــــــــــــــــــ خيــانة مشـرعــه تشبــه مـلامــح فعلهـا النــافي

خيــانـة تبتــدي يــا صــاحبـي قلبـي بحبــك مــال
ـــــــــــــــــــــــــــــــــ وكــذبه تنتهـي [احبــك] نـوّت فـي يــوم إنسـافي

عــرفت ان الكــذب يمكـن يسيـر بداخـلك اميــال
ـــــــــــــــــــــــــــــــــ وعرفـت ان الصـدق يبقـى أمــانة عــز وسنـافي

يا خـاين والشعــور بداخلي غطـى الحنيـن رمال
ـــــــــــــــــــــــــــــــــ يبس وسط الحنــايا ولــو تبيـه الحيـن هــو غـافي





عبـدالكـريم لاهـي السعــدي