يا ليتـــكم تــدرون لو جــــزء مابي

[احمد المعمري]

مصافحة ل غياب طااال


يا صاحبي محتاج افضفض لك شوي
تاعــبني الحــزن وتــمــادى عذابــي

رايـــح اغـــير جــو يـــومين ل دبي
ليت السهــــر ما عــاد يقرا كتــــابي

الامنـــيات كـــــثار بس ما بها ضي
دام الامل عيــا يخــــفف مصـــابي

وانت وبني عمك على معاتب الحي
والشــارع الجــــاف ومعاند سحابي

والمجتمع واهلي وقصر حيلة ايديي
يا ليتـــكم تــدرون لو جــــزء مابي

مابــــي كثـــير وكل ما قلتــــها ااي
تتــوه فـــي عينـــي دمـــوع وتلابي

طويت فرحي من عنى غيبته طي
واهديــت للاحزان مفتـــاح بابي

حتى الحزن وان زاد لجروحي الكي
عشقته ل عشقة لدمعي وخرابي

اللي سقيته من احاســــيسي المي
اليوم يبــــخل لا طلـبته شـــرابي

اغلى صحابي (هو) وبـروحته شي
يجبرني اكره ما يسمــــوا صحابي

اللي تمنــــــاني هدى لظلمتي ضي
واللي تمنـــيته (ضـــيا) مـــا درابــي

واللي يحـــز بخــــاطري جملتك لي
اللــــي احـــبه ما يــهـــمه غــــيابي

متى على الله يلتـــقي الحــي بالـحي
وتهل من دمـــع التــلاقي سحــابي

جيته ونخـــيته نخــــوة الخــي للخي
لكن غيابـــة ما حســبته بحســـــابي

فلاح واحتاج ب كرم غيمــته ري
حتى اصبعي يرتااح من عض نابي

يبقى وجـــــوده شي ومفـــارقه شي
ماني مضـــيع دون وصله شبابي