روابط مفيدة :
استرجاع كلمة المرور|
طلب كود تفعيل العضوية | تفعيل العضوية |
.::||[ آخر المشاركات ]||::. |
|
|
أدوات الموضوع | انواع عرض الموضوع |
#1
|
|||
|
|||
محاورة بين الشاعرين المرحوم عرفات بن حريمل وحمود بن سعيد الوهيبي بالعامرات
محاورة بين الشاعرين/حمود بن سعيد الوهيبي وعرفات بن حريمل الرحبي(رحمه الله) في منطقة السديرات بولاية العامرات بتاريخ 2001/8/9:
عرفات: سميت بالرب العظيم المحتجب..بيده مقادير الدنا والاخره وصلوا على طه النبي المنتخب..من غالب بن كعب رسومه ومنصره حمود: سميت بالله وصلو على نبي الرب..هوه الختام الانبيآ و أخره أنثر سلامي على ضراغيم العرب..أهل المذاهب واللزوم والوافره عرفات: جينا فلوازم أهل الجودة والرتب..لي جودهم مثل المزون الماطره يامرحبا وحي الله بك عالي النسب..وباب الهواء افتح خزين دفاتره حمود: تمطر فضايل جودهم شرق وغرب..باس العدى يوم النوايب ظاهره يفرح فوادي وقلنا ياصاحب قرب..الليله الطرب في شفكم بنعمره عرفات: يلهم رسوم شايعه فوق السيب..وخصيمهم قفى بدموع مغزره ما يذخرونه دمهم وقت الحرب..وعلومهم بر المويزي سايره حمود: عرفات نجم الحيمر ساعة من ضرب..غبيبه مسودة وتثني مخطره يوم المخايل خلك في سيح سهب..نقي جبالن من جبال الظاهره عرفات: ولاطبع هالمركب في بحر المغب..وصبح على الساحل مرسي بحنجره ولانفه ملخضرم ماصابه التعب..ووصل إلى بر السعودي وبندره حمود: لمن ومن حال البحر بينتجب..لاتسافره البحر وكفوفك معسره حدن خسر ف تجارته وحدن كسب..وحدن على الساحل مرسي منوره عرفات: لمسلم الله من قواليد المهب..من عيثر يهز الخول وينثره مابي مخافه متكل ع المستجب..والمتكل عليه يعزه وينصره حمود: يوم القدر ماتنفعك قوه وسلب..لو كان في حصن وقلاع مسوره ربي الولي مكمل لك عقل وحسب..من عمدك تقطع غبيب زاخره عرفات: نجم طلع م العالي وفي الخال وجب..ومن منكم ياتي علومه وخبره وتكسرن سبعين مركب والخشب..ومبخوت لي ربه نفهبه وندره حمود: ذاك النجم تضحضح بنوره وشب..ودعى المنازل ع الذابح متسيره محتار من هم فواده مضطرب..يبغى السلامه ولا السلامه تزاوره عرفات: حدن ف نزوى وحدن في بديه يخب..والغايب ماجابوا علومه وخبره عمله المخمس دومح والرصاص قلب..ودعيه يغيم ع الشمس المنوره حمود: سوى مكيده عن يقولوا ينسحب..خيفان ماحدن يلومه ويعذره لما سبكنا وصبينا المناطل صب..ذاك النبي يوسف ندر بأوامره عرفات: ايلين ما المأذن ف المنبر خطب..وتشعشعت شمس المنيره الزاهره ماروح من محلي أقرا ف الكتب..وماظنتي أوفي حروفن بايره حمود: ياقاري ف الدلايل أنواع وعجب..نزل بضايع والعرب متباشره محماي قالوا ريس بالمقام نصب ..لا ياخذك هم فواده يكدره عرفات: في الايبله قرينا ولالفنا العتب..ومتعجب القاري بحروف مسطره من أولك يادومح لي رجل محب..بسكنك بين البصير وناظره حمود: أشهد كهين وأشهد توفي من طلب..ويسالك قلبي الشفيق وخاطره نبي وروح الله وكانوله سبب..من لي مشبهبه وربه صوره عرفات: نبينا عيسى عليه صف اليهودي غضب..ربه رفعه وشاف الصورة مصوره هذا شراب الشهد ممزوج بعذب..شهدن مصفى وفي الغراصم سكره حمود: اختم كلامي بمن ظله قهب السحب..شفاعنا يوم الخلايق حاضره أمرن مقدر مابين الخلايق شب..عند الثنينه من روايب خنصره (تمت) التعديل الأخير تم بواسطة خلفان الرحبي ; 11-10-2015 الساعة 01:07 PM |
|
|