صيدلاني الحب...

[سعيد المشرفي]

إلى جميع من أسعدني التواصل معهم أهدي هذه المشاركة

واعذاب النفس تشقى .. والبلا يآتي تباع..
كنها تتبع مسار وخط واحد يحتذى..
عاذلي: لامن هقيت إن الشذا فالحب فاع!!
بدل الحرف (الوسط) ب (القاف) في كلمة (شذا)..
جرحي اللي له سنة يهدي نزيفه للبقاع..
كيف يبرى؟؟ وكلما حان الشفا دمه قذا..
والحبيب اللي أحبه حب فوق المستطاع..
فدوتن له ما عطيته.. فدوتن له ما خذا..
لو بغى قلبي؟ يفله في بحر حبه شراع..
أو زهمني؟ رحت له وآنا انتعل قلبي حذا..
لو صحيح إن الهوى يآتي على الرغبة طواع..
ماتشوف القلب يمم صوب داره أو حذا !!
صيدلاني الحب جيتك والدوا عندك يباع..
طالبنك - وانت قادر- لا يطول الصد ذا..
المشاعر ظامية وصلك وأنا عيوني جياع..
والهجر يحرم على اللي صار شوفه لي غذا..
زكي أيامك ولا تخشى على الصدقة ضياع؟
عيشها قربي .. عساني ما أسبب لك أذى..
مبتلي،، محموم حب ،،ودايمآ عندي صداع..
جيتلك أطلب مسككن للخفوق اللي هذا..
أسبرين الوصل منك فيه ترياق الوداع..
وأوعدك بشرب حبوبي وعد مني لك إذا
صار مابيني وبينك أي خلافآ أو نزاع..
وإن بدت مني خطية سوي بعينك كذا..
صاحبي دام الهجوم أفضل وسيلة للدفاع..
حبذا لو يفحم العاذل كلامك حبذا..
غيظ عذال المحبة .. سد أبواب السماع..
قول للعاذل سحابك ما تأثر به.. لذا
لاتظن إن السحايب تحجب خيوط الشعاع..
أعتبر هرجك تراب وطاح من عيني قذى..
قلت لك لامن هقيت إن الشذا فالحب فاع!!
بدل الحرف الوسط بالقاف في كلمة شذا ..
ملاحظات:
دمه قذا : يعني سال وانحدر.
سوي بعينك كذا: أغمضها وغض النظر عن خطيئتي.