إهتمام

[عطاالله ممدوح]

:


.

ما احتاج منّك كلام.. احتاج منْك اهتمام
ــــــــــــــــــــــــــــــ ., حلاته الحب في صدقه وعفويته
لو ازهرت في ثرى سمعي غصون الكلام
ــــــــــــــــــــــــــــــ ., دون اهتـــمام ومــــوده كننها ميته
نظره وبسمه تكفي عن كلام الأنام
ــــــــــــــــــــــــــــــ ., اللـــي يبـيـّن غــــــلا قلبك وحنيته
لو ان كسر الخواطر مثل كسر العظام
ــــــــــــــــــــــــــــــ ., كلن جبر خاطره واقفى على نيته
لكن علي الملام ولا عليك الملام
ــــــــــــــــــــــــــــــ ., يستاهل الجرح من يرضى بماريته
وليا انكر الغصن لأوراقه وطار الحمام
ــــــــــــــــــــــــــــــ ., ماعــــــاد يغـــــريه لا لونه ولا فيته
والله لو اني صحاري وانت وصلك غمام
ــــــــــــــــــــــــــــــ ., ماني شفوق على شوفه ولاجيته
اللي حطبي بفاسه ما تركني حطام
ــــــــــــــــــــــــــــــ ., اشعل هشيم الضلوع بنار وحشيته
ابسأله بعد هذا كيف عينه تنام
ــــــــــــــــــــــــــــــ ., ماكل من هو طليق يعيش حريته
اهل القصور اتمنى راحة اهل الخيام
ــــــــــــــــــــــــــــــ ., والفقر ملعون لا من سل جنبيته
ياصاحبي صاحبك لو طال فيه المقام
ــــــــــــــــــــــــــــــ ., على دروب الوصال وخط مرثيته
غلاك ما مر في صدره مرور الكرام
ــــــــــــــــــــــــــــــ ., لكن خطاك ايتصادم مع مثاليته
لك غصن تقدير في صدره وعذق إحترام
ــــــــــــــــــــــــــــــ ., ما ينكر العهد لو ان الضمى بيته
وان كنت تحسب على ضعفه يجيك انهزام
ــــــــــــــــــــــــــــــ ., والله ليتعبك ماشـــفت انهزاميته
ابشرك تنبض احلامه وحاله تمام
ـــــــــــــــــــــــــــ ., لو ميسم البعد من يقوى على كيته
وليا سمعت بخبر موته وعفت المنام
ــــــــــــــــــــــــــــــ ., الله يعينك على فقده قبل ديته

عطاالله ممدوح