روابط مفيدة :
استرجاع كلمة المرور|
طلب كود تفعيل العضوية | تفعيل العضوية |
.::||[ آخر المشاركات ]||::. |
|
|
أدوات الموضوع | انواع عرض الموضوع |
#1
|
|||
|
|||
مرايتى القديمة
مرايتى القديمة..
مراية قديمة محطوطه.. بعدى عليها كام مرة .. ف نفس اليوم... واشوف نفسى .. دى مش نفسى ..!! دا حد غريب بيشبهنى ..!! ومتركب على وشى ..!! ***** ومر العمر بسنينه.. وأشواكه..وازهاره ونفس الشكل ما يسبنى .. وخد حلمى .. وخد لونى .. وخد نفسى .. بقينا صحاب .. على إسمى .. جمعنا الاسم والمظهر.. بقينا لوحدنا ف صورة.. فى لوحة قديمة محفورة.. على قبرى .. بتوصفنى .. أنا وسجنى ***** وبين ساعة .. وبين تانية .. بحس بغربتى النايمة على قلبى .. بتوجعنى .. بحس بحاجة تهمس لى .. وتدخل جوا أعماقى .. توشوشنى.. تقول فينك ؟؟؟ بتدبل ليه ..؟؟ وفين روحك دا قلبك نام .. على ضلوعك.. وفين نفسك .. وفين رسمك وفين أحلام بتسرح فيك .. ف اوصالك وفين إنت .. وأيامك ورحت ف صورة بهتانه وغبت ف سكة حيرانه بتهرب فيك.. وتهت أنت .. ف أوصالك ***** وجات مرة.. كعادتى ببص ف مرايتى .. ف شكل جديد .. بيضحك لى .. يقول مبرووووووووووك .. لقيت نفسى لقيت رسمى .. لقيت جسمى.. ***** من الفرحة نسيت إسمى .. نسيت كام صورة تشبهنى .. وروحت لصورتى أحضنها .. لقيتها فى قلبى .. وبتبكى وجوا عروفى .. تحضنى.. تقول تانى .. أنا وإنتا مراية جديدة تجمعنا أنا النص ال كان تايه .. ومتخبى أنا القلب ال كان مسجون .. وساجنى أنا الروح ال بتحرك حياك جواك.. أنا النفس ال كات عايشه .. سنين وياك.. وبينا الف ألف ستار.. وبينا ألف ألف جدار.. وعدت إليك.. وحبك شال .. ستار جواك.. وحن عليك.. ***** بجد قوليلى يا مرايتى .. أصدق نفسى .. وللا أنتى.. بجد .. صحيح .. لقيت نفسى ؟؟ لقيت صورتى ؟؟ ومن تانى .. رجعت لروح .. بتعرفنى .. ومن أصلى ومن جنسى ومن رسمى.. ويبقى الاسم والمضمون .. ف توب واحد بيلبسنى.. يعبر عنى .. يوصفنى.. صحيح يا مرايتى من تانى .. هعيش عمرى .. ؟؟ وأشوف نفسى ..؟؟ ويجمعنى كيان واحد .. أنا ونفسى .. ؟؟ ***** جمال نصير فى 30 اكتوبر 2013 |
#2
|
||||
|
||||
اقتباس:
نص يجعلنا بمواجهة القصيدة العامية المصرية يكتبه جمال نصير في دفقة شعورية جارفة باستخدام تقنية المونولوج تبدأ في قراءته فلا يدعك تتركه حتى آخر قطرة منه ثم يستدرجك من جديد لمعاودة القراءة جمال نصير أعتقد أنها سفارة حقيقية للنص العامي المصري هنا أتمنى أن يطيب لك المقام حتى يتسنى لنا أن نتفيأ ظلالك الوارفة كلما طاردتنا شمس الظهيرة الحارقة سعيد كوني أول المستريحين هنا تقبلني برحابة صدر
__________________
للريييييييييح ما لعثم ندااااا ااا اااااه |
#3
|
|||
|
|||
اقتباس:
|
#4
|
||||
|
||||
هذا البوح الجميل يسطر كلماته بأبهي الصور المكتنزة جمال وعذوبة
نص معبر ورائع ياجمال .....لك كل التقدير والاحترام |
#5
|
||||
|
||||
اقتباس:
جمال نصير ......... أيها المتألق رحلة البحث عن الذات أصبحت هاجسنا الوحيد في هذا الزمن لقد أصبحنا نبحث عن ذواتنا بين أطلال درست ، وواقع مر نعيشه ما أجمل اللهجة حينما تجمعنا في كل شبر من أرجاء الوطن الكبير !! أدام الله عزك أخي جمال
__________________
آنا ابدوي والغرب مني يلتمس**علم وحضاره ومعرفه ونعم النسب
مخاوى البيدا عذرا إن لم أتـــــــــــابع المنقــــــــــــــول مدونتي : عروس البحر في قصر التخاطر |
#6
|
|||
|
|||
أخى الكريم سالم .. شكرا من القلب لرقيك ونبلك ومرورك ... تقبل ودى وتحيتى وتقديرى
|
#7
|
|||
|
|||
معلمنا الكريم خليل عفيفى .. أخشى أن أموت قبل أن ألقى نفسى الحقيقية.. وبعد أن أكون بين يدى ربى أفوق... وكيف العمل .. اللهم اهدنا الى رشدنا وارحمنا برحمتك التى وسعت كل شيئ.. شكرا لتشريفك
|
#8
|
||||
|
||||
اخي العزيز والقدير جمال نصير تسلم على هذه الكلمات الرائعه والجميله ودام قلمك المبدع والجميل ودمت بكل خير وموده اخي الكريم وتقبل تحياتي
__________________
|
#9
|
|||
|
|||
اديبنا المبجل اخى عبد الله الراسبى.. شكرا لمروركم الكريم وحسن اخلاقكم .. بارك الله فيكم
|
#10
|
||||
|
||||
جمال
تقول فينك ؟؟؟ بتدبل ليه ..؟؟ وفين روحك دا قلبك نام .. على ضلوعك.. وفين نفسك .. وفين رسمك وفين أحلام بتسرح فيك .. ف اوصالك وفين إنت .. وأيامك ورحت ف صورة بهتانه وغبت ف سكة حيرانه بتهرب فيك.. وتهت أنت .. ف أوصالك مبدع اتمنى ان لا تغيب كثيرا ف نحن بانتظارك...... |
|
|