..// المشـــــــــــاعـر //..

[المهند النبهاني]

مراحب فيكم..
أول مشاركه لي في قسم الشعر الشعبي بالمنتدى...

أتقبل نقدكم وآرائكم بصدر رحب..وأتمنى الجميع ينتقد القصيده أو يضع رأيه..

فرغم بدايتي قبل ثلاث سنوات ولكني مبتدئ..

عسى أكون خفيف بكلماتي...

المشاعر من بعادك خايفه وقلبي وحيد
جرب إسأل كيف تشعر لو حبيبك إختفى..

ما تحس الشوق مني دام قلبك من حديد
ولا تفيد أعذار بعدك دام إحساسك غفى..

إن تغيب شهور عني ما عشقت إلا القصيد
وأرتجي ذي النفس عفو(ن) يوم حبك ما عفى..

إن طلبت الحب من قلبي أبعطيك المزيد
وأرتمي بأحضانك الي ما حوت غير الدفى..

كل جمرة شوق في بعدك تذوّب لي حديد
وذابت أشواقي وماتت لين حسي إنطفى..

نفترق تشتاق لي وأشتاق لك وإنت بعيد
وأكسر بقلبي وأصابر نفس من طعن القفى..

يا حسافه يوم غبتي وأقبل الحزن الأكيد
وأذهلتني دموع حبك يوم جالست الخفى..

يا عذابي منك ياللي لك مشاعر ما تفيد
من هداك الحب من قلبه تجازيه بجفا..؟!

بس لحظه زين فكر عطني الرأي السديد
هو متى قلبك تجرأ وإرتشف طعم الشفى..؟!

والله تعبت أشتاق لك وإنت بجروحي تزيد
وإنت ما همك عذابي دام جوي لك صفى..

لا تحس ولا تشوف قاسي وطبعك عنيد
هو أنا بس الوحيد الي لبس ثوب الوفى..؟!

جرب أوفي في حياتك وإجبر القلب الشديد
وشوف زين أرباح حبك يوم قلبك لي نفى..

ودام قلبك راح عني وما حسب إنه بليد
اليوم أظن بس إنتيهنا منك يا ظالم كفى..



أظن كفى..