تشوف يخوتي المدير العام !!!

[خليفة الصائغ]

جسم الانسان مثل المنظمة الحكومية يوجد به عددة اقسام بوظائف مختلفه والقلب هو الوظيفة الاساسيه " المدير العام " والعقل هو رئيس مجلس الادارة وبناء عليه ولوجود قضية ترتبط بهذه الاعضاء تولدت لدي الفكرة بمخاطبة المدير العام ... ووجدت تفاعل من الشعراء الاخرين


خليفة الفارسي :

دنيو فيديني ما ديره العـــام
المدفع عـ طول المـدي رية

الشايب مسوي بلا فـــؤادي
واصرخ واكبر بلا فــــؤادي

تشوفو يخوتي المدير العام
بيرجع فؤادي المـــــديرية



خلفان الرحبي :

مركب عبر ما يثنـــي البر
فالبحر واصل عصر ولا ؟

دلال نادى وما كتب كم !
تبكي الــــوزارة ومكتبكم

يلي مضـــــى ما يثني البر
هيهات يرجع عصر ولى


يحيى الغافري:

ما حل فلجنا وما ديره لعام
مطرش أمانة معـــــه ليهم

يحاضر فلج كــــــان بيردي
و ياصاحبي كــــــان بيردي

مابس نواجــــــه مدير لعام
فشفك بنوصـــــــل معاليهم



علي السيفي :

عن يغدروا بك بيا العـــم آل
ولي بقلب البسر يوعى مل !

عقب البشاشة حـــذر من هم
وبعدك يا صاحب حذر منهم

لا ردك مديرك بيا العمــــال
باتفلس وكــــــــاد يوه عامل



أبو مسلم الصلتي :

المدفع يرج المـــــــــــدي ريات
فقلبي رجح قـــــول من قولين

فوائد من البنــــــك مال غريب
يوصفوا حـ لفـــؤاد ماء لغريب

يخوي يستوي النقل للمديريات
ومن مثــــــلك كثير منقولين !!



عبدالله سبيت العلوي

في هـ الخزن بيتـــــوسط لك
شاري من السوق من عرفه

طيرك من بعيد لو فـــر راش
بتنعش بلا لبان لـــــــو زاره

بنوصلة كان لــــــــــو فراش
لكن اذا مــــــــــــدير لوزاره

ما مضني بيتـــــــوسط لك
مديرك يارجـــــــال منعرفه !


عبدالله المحيجري
يقولو فهدار ناس حالســـــــادة
وما نشرب من الشاي بن جيبه

كلها الشكاوي لمــــــديري يات
ولا تعنا ياصــــاحب للمديريات

بنطرش هذا القـــــول حالسادة
ومنهم لك الحـــــــــــق بنجيبه


طلال الراشدي
أنشدك من القوم ذا اللي يتوه؟
وديري رحـــــاهم يا لام ديري

بقصر أنا صــــــــاد و آمد راء
وبتشكي علـــى وزير ومدراء

وأشيبه هـ الفــــــــؤاد ذليتوه
روف بفـــــــــؤاده يالمديري!


مهدي سبيت
خيلك فـ مركاض لمـــدى ريه
وروحي فـ مورك معـــــاملتك

ياولدي نزقة طحين من فيدك
لو تصيح ما تصيــح مانفيدك

وصلنا يلي مدير لمـــــديرية
رفضهي وردت معـــــــاملتك



خالد الكويلي
شراع أقبضت بسمة دير العام
مدفع نقع حـ المـــــــــــدى ريه

قابض فذا الـــــــدرب باه سالك
خليفة بنشدك وباســـــــــــــالك

نته تتهم بس مـــــــدير العام ؟
تراه كلها رماد المـــــــــديريه



سعيد السيفي " خوي الليل "

وش قصته الريال ودرهـــم
واذاك اللي يسقي بل وزارة

يلكم من العود قــــدرن عود
ولك في ضميري قدرن عود

نته تنشري بالـريال ودرهم
ويخلوك وزيرن بالـــوزارة


ولي عنده زيادة يزيد .........................