لا تحدني عـ الشر والله تبطي / ومثلي يموت ولابيحني رقابه//

[أبو رآكان الكلباني]

لاتحدّني عـ الشر والله تبـــطي
ومثلي يموت ولابيحني رقـابه

وان كان طيبي مستغل وحلمي
هذيك وهبه من عزيز جنـــابه

اشوف واتغاضى كرم مب ذله
ونفسي عزيزه الذل ما ترضابه

وان كان حلمى وطيبهُ قد غرّك
عـ الشهم حلمي ماعلى النصّابه

والله مــا ردّت يميني ســـائــل
لا صـــدقهْ اتحرّى ولا كـــذّابـه

أعطي مدام ان البقـــا في راسي
وراسي وراسك ما اظن نتشـابه

كلما امــد يمـين نحوك بيضـــه
ردّت يمــينك بالخفــا حــــــرّابه

وان ريتنا نســكت فوالله عـــزّه
بنفوسنا تأبى الجهل واســبــابه

ما قول حنّــا ملوك لكن فيــــنا
نخوة ملوك وعز ..إنفه ,مهابه

ولاقول اني فـ الشعر اسطــوره
لكن زمــــاني خطّها فـــ كتابه

ولاني ادوّر لي لــقب او شــهره
ما ـدام توّجني الــشعر بـ لّقــــابه

تدري لقيفان الشــعــر وش حنّا!!؟
صرف وبلاغه ونحوهِ وإعــرابه

ادري ملوك الجن تحفظ شـعري
وحدّن يرزّهْ بمجلـــسي اعجــابه

وان ريتني اشعث بـ راسي همّـه
ترقى على بدر السمـــا وســحابه

ادري على قصر القصايد مــلكي
وبيوت شــعري للقصـر حجّــابـه

كـلما زرعت الشعر هلّت جـوعى
ابلك ريــاحيـن الشــعر خـــرّابه

وخّر ليـــا هدّوا القصايد وخّـــــر
جبنا السميــــنه ونت جبت زلابه

علمي وكادي وهاك علمي وسمع
ما تنجب صقور الحرار غــرابــه

اتشابهـــت عيـن الحباره واشـــقر
لكن فرقـــهُ لفعل من مخلابــــه

لو كل من يرقى النوايــف يقنص
لكان رزق البوم من مـــــــــرقابه

ولو كل من يرقى النوايف يصـقر
شفت الرخم كل الطيــــور تهابه

الذيب ماغير السميـــــنه يــــطرد
ما تسري عـ الجرباْ زحول ذيابه

والله مصيبــه ليا ترى التنزانــي
سايـس سلاهيب الشعر ركّابــــه

لكن كما قال المثل من مبـــــطي
تدحــم عـ مِهباطن وهى خبّـــابه