ملفات في ذاكرة التاريخ : للمرحوم الشاعر يوسف بن راشد الراشدي

[محمد الراسبي]

المرحوم الشاعر يوسف بن راشد الراشدي


ان شاء الله يسكون في هذا الموضوع العديد من الكتابات للشاعر المرحوم يوسف الراشدي سواء الرثاء او المساجلات او الكتابات او الفيديو
.................................................................................................................... ............


كما ورد في الرسالة الهاتف (وهي كانت محفوظة ) تقريبا قبل سبع شهور بمعنى شهر 12-2009

(( هذه العزوه ( الالفية ) مقصب للشاعر :يوسف بن راشد الراشدي من وادي بني خالد: بعد إصابته بمرض خطير وبليغ الله يشفيه وأجارنا الله : ارسلها كمشاكاه للشاعر سليمان خميس البلوشي "ود خمسات" من الوافي ))


والألف ألفت الكلام - وأبدعت قولا بلتغيه
قولا على حسب النظام - يفهم مثاله من قريه

والبأ بأسمك ياغفور - ياخالقا كل شي بيديه
تبري عظالي والسقام - والعوق ياربي شفيه -

والتأ تبلاني العظل - وأنا العظل صابر عليه
سنتين من قبل اللعام - وسواس في قلبي أصطليه

والثأ ثلم مني الشباب - والعمر توي مبتديه
أزاغي تزمهير الغرام - طايب ونفسي تستقيه

والجيم جاسيت بهموم - ملعوق يلي أشتكيه
عايا بطبيبه والمرام - ملجيتله طب وجيه

والحا حدتني مهجتي - أهذي بعوقي وأستميه
ماهنيت لذات المنام - ولا القلب ملخاطر نسيه

والخا خسر مال الدنا - ميهمني ولا أبكي عليه
ماغاب مالي فالحرام - العمر لازم نفتديه

والذال ذللت الصعاب - وماصابني عوقا كذيه
كني بضربات السهام - أسهر بعوقي وأكتويه

والدال دامني أبتليت - والرب عبده يبتليه
العافيه رب الأنام - من غير الله نرتجيه

والرا رعاني كم حول - أربع سنينا تتليه
غاب اللحم باقي العظام - والحال نايح مختليه

والزأ زمانك ياغرور - لاتقول باخذ وشتريه
ساير زمانك ياهمام - بالروف من عمرك عطيه

والسين سالم ملعظال - وتقول كل شي بحتويه
بتلجبك سلمى فعجام - بيرا وما تلحق طويه

والشين شهدوا من حضر - لي صابني ماله شبيه
عوقا يهزلها القوام - ياالله ياربي تكتفيه

والصاد صانع للشباب - لا يغرلك يوم تحتليه
أدي صلاتك والصيام - دينك بتقوى تكتسيه

والضاد ضني ما أختلف - لي غاب ملخاطر غضيه
أسمح فزلات الغشام - وصي سعيدك ووتصيه

والطا طبع قولي تراك - وتبلغه الوالد عطيه
من نظم يوسف بالسلام - من نقش وكتابة يديه

والظا ظواني كم صديق - يتوسفوا فلي أشتكيه
يتبادرولي عالدوام - بالحال يوسف نغتليه

والعين عيني شايفه - وزاغت محبا تهتويه
أقصر حباله والزمام - فحزت المحنه كريه

والغين غالي عندهم - صفا أمدحه وأغتليه
شبان ورجالا كرام - مورد وحوضا أرتويه

والفا فهم يامستمع - وخليك رجالا نبيه
لن جن لك جنح الظلام - لا تقول ليلي بصطفيه

والقاف قالوا الحاسدين - وحن قولهم مانشتهيه
يسعوا بأسباب الخصام - أحسن طبعهم نكتفيه

والكاف كم لي من محب - بين سدوده ومختفيه
ما كان لي حل المشام - يانفس توبي وهاجريه

واللم ألف لا مت أنا - والموت ماحد يدعيه
أبريت وأبروني الأنام - والخل لا يكثر بكيه

والواو واري جثتي - فالخالديه يا وجيه
هناك ساسي والمقام - والقبر يا الباني بنيه

والها هذاك المنتهى - مابا موده تتليه
من عقب ما تقفي القدام - كل حد أسمي ينتسيه

واليا يشافع عالبشر - دينك علينا نهتديه
أشفع لنا حل الزحام - في يوم ما حد لخويه.





( مقصب عزوه من سليمان ردآ على مقصب الشاعر يوسف الراشدي):

الألف: أبديت إبسلام : وتحيتآ ملها شبيه
هبي وياكوس الولام : شلي مثالي ونقليه

والباء: بحملك ف المشام : شوق اليتيم اللوالديه
خصيبه يوسف بإحترام : يالكوس سيرك عجليه

والتاء: تصبر يا غلام : أمرك على الله لاتتيه
الآدمي حل الهيام : يصبر على حكمة وليه

والثاء: ثباتك والزمام : كثر صلاتك وإدّعيه
أيوب قبلك ف السقام :يوم راد له ربه شفيه

والجيم: جمرات الحزن : قلب المصيبه تغتليه
ف اليوف أشعل م الغرام : تشويله حوفه وتكتويه

والحاء: حذاري يا الضنين : لا تئيس من ناصر نبيه
رحمة يلهي ف كل مهام : م يخيبه من يرتجيه

والخاء: خسيس الشر خاب : حذرك يابو راشد خزيه
ملعون وسواسه غلام : لا إيقول لك افوادك رعيه

والدال: دجالآ غبر : طلع أبونا من حويه
عن لا يوسوسلك هدام : ملعون ويواحي صريه

والذال: ذنب اللي عصى : يتحمله دينن عليه
الآدمي عنده الخطام : وكل واحدآ شوره ف يديه

والراء: رسومك باقيه : كل يوم قولك نحتكيه
ينك فقيده ف العدام : والنشمي كلآ ينتصيه

والزاء: زملنا ف الزمان : ماندري عن غيب القفيه
أسميك يالبندوم ضام : غافل وماعندك دريه

والسين:سالت م العيون : وديان تسقيها الضميه
تبكي ع شبانآ نشام : واحد قفا واحد تليه

والشين: شاقني الدهر : أبكي ودمعي ماكفيه
يالراشدي فرقا الوئآم : أشد من نار الغضيه

والصاد: صرخات السقيم : تمحن وليفه وتشتقيه
مسكين حاله ف إنعدام : إيضمد الجرح اويليه

والضاء: ضمادك ع الولي : يارب يقسملك عطيه
يانسل عربانآ حشام : صبر فوادك عن بكيه

والعين: عزمك واليقين : ثقل على جرحك وطيه
شد العزيمه ف اللزام : أوصيك يالصاحب وصيه

والغين: غفار الذنوب : ماينسى عبدآ مانسيه
درجات حضه ف الغمام : من طاع ربه وماعصيه

والفا: ف لوح القدر شان : ف اللي إكتبه ربي ويبه
الموت ماعنه لثام : يوم غايته حن نرتجيه

والقاف: قسمت الفواد : والزمن أخربي مشيه
مازرت عالين المقام : واللوم صدعني ابرغيه

والكاف : كلعاده الزمن : يحكم علينا بالبغيه
كنها الدنا بدون الصيام : ومافيها من صلى اللرضيه

واللام: لك مني دعا : ليلي ونهاري اللتغيه
تشفى سقامك والكدام : وتكون في حالن نبيه

والميم: م أشغال الدنا : مالقيت وقتآ بكتفيه
م ظفار إلى بر العجام : الرزق نتبع له ثريه

والنون: نرجوا العافيه : ياربي الغافل عفيه
بزوركم شي م الايام : لين طال عمري في بقيه

والهاء: هوانا ف إنتظار : سيفك وترسك تغتليه
ربي يعودك بالسلام : صف الصناديد البديه

والواو: وآسعده تراه : من قابض اف ربه ابوعيه
بيكون بالنيه إمام : والرب غفار الخطيه

والياء: ياسادات الرجال : صلوا ع كافل ظبيه
المصطفى بدر التمام : لي بالرواحي نفتديه


"وسلامتك" تحياتي أخوك سليمان خميس البلوشي <ود خمسات>

مع تمنياتي لك بالشفاء العاجل من الله الشافي