مجلس الشعر الشعبي ..........

[حمد البدواوي]

مساءك موال عراقي شجي


ولد بن كعب ،، بداية والنعم فيك وفي بن كعب كلهم


نبدأ نتناقش في كلامك عشان نوصل لقناعة عن مجلس الشعر ، يا إما تقنعني يا إما أقنعك ....
( أنا ما أدافع عن مجلس الشعر ، أنا فقط إنسان ما يعجبني أهضم حق أي شخص )

أنت تقول أنك ما متابع من الدرجة الأولى لمجالس الشعر ، طيب كيف نحكم على شيء واحنا ما عرفناه حق المعرفة ؟
ما تابعنا أدق تفاصيله ؟
شاعر من شعرائنا الجميلين واللي أعتز بمعرفتهم صار له 15 سنة ما يفوت ملاحق الشعر الأسبوعية في جرائدنا والمجلات الشعرية اللي يحصلها مثل المختلف وفواصل وجواهر و وهج ..الخ ، لما سألته ليش ؟؟ ( بصراحة قلت له فيك بارض لهالشي !! ) قال عشان لما أي شخص يكلمني عن شاعر أو قصيدة أكون عارف عن شو أتكلم وما يصير أتكلم في شي أنا ما اعرفه !!!
عجبني رده لأنه رده منطقي ، ما يجوز نتكلم عن شي واحنا ما نعرفه وما متابعينه !!!!

* انت تقول ان مجلس واحد ما يكفي ، طيب المصنعة فيها مجلس شعراء ، سمعت عنه ؟؟
تعرف من هم أعضاءه ؟ تعرف شو الفعاليات اللي نفذها ؟ إذاً تبقى نفس المشكلة اللي ندور حواليها !!

الناس اللي يقولوا أن المجلس حكر على بعض الفئات ، هل راحوا للمجلس وحد طردهم ؟؟؟
هل تقدموا بفكرة أو اقتراح فيه فايده للشعر ومحد سمعهم ؟؟؟
يعني أبا افهم كيف حكر على البعض فقط ؟؟

الاختلافات الشعرية ظاهرة صحية في أي مكان ولا مكان للثأر ، والدليل أنك لو فتحت الملاحق الشعرية تحصل الحداثي والكلاسيكي والغنائي ..الخ ، ولو حضرت الأمسيات تحصل نفس هذا التنوع !!
أما عن المشاكل بين ناس معينين فهذي مشاكل شخصية بينهم ويحلوها خارج نطاق الشعر !

الغيرة بين الشعراء ظاهرة صحية إذا أدت إلى ابداع مماثل وممكن يتفوق على نظيره ، بس اذا تقصد الحسد عاد هذا عنده مشكلة نفسية ...


بالنسبة للمقارنة بين مجلس الشعر الشعبي وبين هيئة أبوظبي للتراث والثقافة فهذي مقارنة مجحفة وظالمة في حق المجلس ،، يا عزيزي لو تذكر أنا شو قلت في ردي الأول على الأخت السولعية " المجلس بداية هو مؤسسة غير ربحية ، أنشأها السيد فاتك بن فهر خدمة للشعر والشعراء وتكفل بتوفير مبنى مخصص لأنشطة المجلس ، وتوفير الدعم المادي اللازم لتلبية كل متطلبات هذا الصرح الشعري "
مؤسسة غير ربحية يعني ما تعتمد على مسجات الأوادم عشان تفوز فلان وعلان ، وما تدخل من أي شاعر ولا تاخذ شي !!
بالعكس اللي صاير أن السيد فاتك يدفع من جيبه الخاص كل بيسه تنصرف على المجلس وفعالياته ،، وهذا شي تطوعي منه وما ينتظر أي شي من الشعراء .. أما هيئة أبوظبي مؤسسة حكومية ترصد لها حكومة أبوظبي ميزانية حالها من حال باقي مؤسسات الإمارة !!
وين العدل في المقارنة ؟؟؟؟

طيب انا ذكرت لك يا الكعبي جزء كبير من فعاليات المجلس واللي ما اقتصرت على الأمسيات ، بالعكس أقل فعالية كانت تنظم في الفترة الماضية بالنسبة للمجلس هي الأمسيات ، تنوعت الفعاليات الباقية بين القراءات النقدية والمشاركة في مهرجانات عربية وخليجية وبرامج تلفزيونية في عمان وخارجها ، وبرامج إذاعية ، وملحق شهري ومجلة إلكترونية ومنتديات وغيرها ، يعني ما نقدر نقول أن جهد المجلس الوحيد هو في الأمسيات ، واذا سألتني وين تحصل كل هذا ؟ أقول لك تابع الجرايد وبتقرا أخبار المجلس أول بأول ..


ثروات طائلة تبني قناة متخصصة بالشعر النبطي والفصيح ؟؟
أتمنى هالشي بس من هو اللي بيسويها ؟؟


أتمنى يكون ردي وضح لك بعض النقاط اللي كانت ما واضحة بالنسبة لك اخوي


تحياتي لك