( السفر و الراحله )

[علي الغنبوصي]

صباح او مساء الخير


قصيدة قديمة


لكسر حاجز الغياب

السفر والراحلة



يامـلّ صبـري والهـوى يعشـق عـنـاي
ويـاحـزن قلـبـي للسـفـر والـراحـلـه

الـزود ضيـم الوقـت والجربـه ضـمـاي
والشـوق عـوّد منكـسـر فــي كاحـلـه

ماهـدّ حالـي ذا العنـاء فــي مهـتـداي
لاوالــذي زان الـهـدب لــي كاحـلـه

امشـي علـى دربـه ولـو مالـت خطـاي
فـي مسلكـن مهجـور ارضــه قاحـلـه

الأرض ارضـي والأمـل عانـق سـمـاي
ماشفـت نجـم سهيـل عـاشـق ساحـلـه

يضـوي علـى المحبـوب لحظـة ملتقـاي
تنفـح غصـون الـروق طيبـن فـاح لـه

طيبـن يفـوح بدوسـتـه دامــه حــداي
حـتـى حـمـام الــدوح طار و نـاحـلـه

مابيـن هاالأغـصـان رددهــا هــواي
ما شاف كل غصـن(ن) تمايـل شـاح لـه

مـا كـنّ هـذا العـود قايـل مـن سـواي
مفنـود خصـره لعتـدل ثـم بــاح لــه

مـا بـاح فـي غيـره دلـع كاللـي معـاي
الله يعـيـن الــروح لو هي ناحله

والله جعـل للحـيّ سـره شــرب مــاي
ولا حبـيـبـي شـوفـتـي تـرتـاحـلـه

قولـوا لهـا امـا تـرد تسـكـن حـشـاي
ولا تـبـع قلـبـي مـسـيـر الـراحـلـه