الخيل من ركابها يوم الجال يجاهدون.. مجاراة.

[عبدالكريم السعدي]

هي قصيدة مجاراة لشاعرة ابهرتني بشاعريتها حقيقة وهي العذبة
سميــرة الحوسنــي..
اتمنى صراحةً ان ترتقي قصيدتي المتواضعة لسمو تلك
القصيدة التي اراها تحلق عالياً[............إلخ............سوالف]
واتمنى ايضـاً ان اكون قد حملت معي بعضاً من الجمال..







بعض الشعــر منهـج .... يدرس فكـر للـي يكتبـون
ـــــــــــــــــ وشلـون .... مـا يبقى كــذا دام العقــول اضحـى بها

والشعـر مبـدى ... والمعـاني تسرجه لـو يفهمون
ـــــــــــــــــ يبقـى قليـل اللي فـ بحـره ذي الـدرر .... قــد جـابها

لـو يفطنـون ان الشعــر تسمـو به عقـول وعيون
ـــــــــــــــــ ما كــان تبكينا الحـروف اللـي السـواد امسـى بها

يـا شاعــره هِــديِ المرايا وأكتبـي شطـرك بهون
ـــــــــــــــــ مــا لـ لشعـر إلا خيـول القــاف .... بـك يـرقـى بها

بسـم الله الـرحمـن حـولك ضج كـل ما بـي فتون
ـــــــــــــــــ يـا كيــف مـا تســرج حــروفـي للبيــوت اركـابها

دام الجـزالة سلطنة شاعــر ... بأنفـاسي تكون
ـــــــــــــــــ مــو بـوخلـود .... اللي يحسـب حسـابها وانيـابها

ازهـى بها ... وارقـى بها وارتب المعنى جنون
ـــــــــــــــــ والفكـر لا منـه بـرق .... دك الهـواجـس صــابها

شاعـر ليـا مني بغيـت اشعـر ألـوف يصفقون
ـــــــــــــــــ مـا هــو غـــرور ... ألا امـاني قـد تعــب طــلابها

من كثر ما يحلم يصيـر الاول ... بصف الظنون
ـــــــــــــــــ صـار الانيـن يرتب اوجـاعه .... وهو يصلى بها

ادري التمني فـي رحـاب الضيـم ينبت ضامئون
ـــــــــــــــــ وان النفــوس اللي تكظم الغيض هـي ادرى بها

وادري التوجـد مثـل نجمٍ طاح من عالي مغبون
ـــــــــــــــــ يـدوي سقـوطه والارض مـا هــز في محـرابها

القصة اللي جـابت اشـواقك هنـا تنزف شجون
ـــــــــــــــــ والسـالفـة اللي باحتــك مـا قـد شعــر عــرابها

سلي دموع الشرذمة من محجرك ما به حنون
ـــــــــــــــــ يمكـن بعـد هــاك التشـرذم ينقضـي مـا صـابها

الجــرح يبـرى والهمـوم اليـا تهجــدنـا تهـون
ـــــــــــــــــ دام الـرجـاوي مـن خُلِقنـا حِلمنـا .... يُكنـا بها

الخيـل مـن ركـابها يـوم الرجــال يجـاهــدون
ـــــــــــــــــ واليـوم تفقـد ذي الخيـول الســرج مـع ركابها

الام جنـه فـي عنـاق اللـي بهـا مـا يجحـدون
ـــــــــــــــــ بـس المصيبـة مـن يّقــدر ..... ضلها وتـرابها

الناس واجـد والامـاني مـا تثيب الطامحون
ـــــــــــــــــ والعمـر يجـري والبـرايـا ... مـا تنيـر ألبـابها

والنور يخفت والزمن شمر بغاه الفاسدون
ـــــــــــــــــ لين انكسر ظهر المعــاني فـي محيـط اجنابها

لو يدرك الظالم مصير الاكذبون الفاسقون
ـــــــــــــــــ ما كان قوضته السنين الي غـدى يخسى بها

المسألة ما هي اندثار الطيبون الاكرمون
ـــــــــــــــــ المسـألة عــدت نطـاق اوسع كــذا بحسـابها

يابنت خلي هالشعور يشب يمكن يهجدون
ـــــــــــــــــ دام الحكـايـة مّ انعــرف للحيـن مـن كتّــابها





عبدالكــريم لاهـي السعــدي




ملاحظة لأخوتي المشرفين أتمنى منكم تعديل عنوان القصيدة وأعني هنا عبارة الرجال التي وقع عليها خطاءً املائي..لاهنتوا.