بحـــــــر الغـــــــرام

[أبوراشد العيسائي]

هـــــاج بحر الغرام وفي غرامك رســــيت
دام للــــــوجد ميناء قلت حظي معاك
ناصبنه شـــــراع الشـوق لك وإن سريت
جامحه خيول وجدي يامـودي جداك
هاض يمك شـــعوري ودرب ودك مشيت
يا سلامي عليك وســعد حظي نصاك
لاح بارق غرامك من ســـــحابك سـقيت
زرع ودي سقيته عـذب من جود ماك
والله إنه غــــرامك عن غــــزى ألف بيت
عاث فيها خـــــراب وحل فيها هـــلاك
جاد بختي بشـــــــــوفك والوعد به وفيت
دام عهدي قطعته أبشــــر ولك رضاك
قنصليــــــــة ودادك دام فيهـــــــا رضيت
بالحصانة تمتع ســــــلك حبي فحماك
في المودة تســــامر عاشـــــقٍ مســـتميت
يوم أســـــمى المشـــاعر ما تكدر صفاك
يا فلاليج صـــــدري وش بقـى ما عطيت
ليت جــــو التصافي يســـــــتريح بحماك
ما دريت بدمــــــارٍ حــــــل بأرض الكويت
والله إنه دمـــــــارك زاد عن حــــد ذاك