روابط مفيدة :
استرجاع كلمة المرور|
طلب كود تفعيل العضوية | تفعيل العضوية |
.::||[ آخر المشاركات ]||::. |
|
|
أدوات الموضوع | انواع عرض الموضوع |
#1
|
||||
|
||||
لا تلومني ابكي على شيخ القطاه
اسعد الله مسائكم بكل خير اخواني الاعزاء المحترمين اليكم هذه المحاوره في فن الرزحه بيني وبين الشاعر القدير خميس بن سالم الهاشمي ليلة امس في ولاية صور قال خميس الهاشمي صلّوا على من جاهد في سبيل الله ************* محمد رسول الامه وربي مرسله وكيف حالكم وتكونوا يا اهل الفلاه ***************** عسى بنعمه طيّبه ومكمّله قال عبدالله الراسبي على النبي صلينا مرسول الاله **************** ياللي يضح نوره الفيافي باكْمله حيا بسلامن يسكب خولن من سماه *********** ياللي على البيداء يزعزع مزمله قال خميس الهاشمي حيا بجوابن جاني عالي مستواه *********** من شخصن نسانا ولا عرفنا انْقابله هيش قصّتك يا صاحب وهيش المدّعاه *********** ما حيدنا غلطنا بطيب معامله قال عبدالله الراسبي لن سلتني عايض مشاغل هالحياه ********* وراعي الشّقاوه برايه فكيده وعْضله هذا الزمن خلانا في حكم القضاه *************** عايابنا قانونه ولا وحينا انْبدّله قال خميس الهاشمي من هو الذي بالدنيا حصّل لي يباه ************** لوّن بيركض بايحصل معْضله والآدمي يا صاحب ما ينسى خواه ************* غير الذي متكافل وهذه المسئله قال عبدالله الراسبي ما عنّكم كفله ولا عنكم غناه ***************** يا فارس الهيجاء كريمن بيْمله وفحسابنا يالصّايغ كل حرف نقراه ********** طاغي علينا الليله حرف المهمله قال خميس الهاشمي يالله يا محّسن حرفك يبغى له نقاه **************** هيّد علينا يا رفيع المنزله بعدنا انتعلم منكم في ساس البناه *********** والمعذره غلطه فحسابي وجْمله قال عبدالله الراسبي وايب علينا كل من زجر ننصاه ************** ميجوز ادعاكم ف بحر وساحله طحت بربيعن يخدم لي حرز برواه ************ يشفي به الرّاقي سقيمن بعْلله قال خميس الهاشمي اسميك توصف والوصف عالي تراه ********** وراعي المعاني الطّيبه ما نجهله واللي نسانا نذكره بالمثل عاساه *************** يذكر زمانن كنا نمشي بمحمله قال عبدالله الراسبي الحين استراح فوادي واستبشر صباه ********** ويعجبني المهوي يأدّي بو يله تبانا انتساير في زمن طيبه وهناه ************* ولا تبا ف بحر الملّوح وغْزله قال خميس الهاشمي يا صاحبي قلبي ما عرفنا ارضاه ***************** مرّه يكايد حظّه ومرّه يقبله والآدمي اذا تغدا ما يعرف عشاه *************** لكن تفضّل سيح كل شي نقبله قال عبدالله الراسبي يا صاحبي بوصيك واسمع هالوصاه *********** باب العشق يا فلان اخير تقْفله متشوفني تاكي على حنية عصاه **************** متولّع سعيدي وناره شاعله قال خميس الهاشمي امشي بدربك من بادي الى مقصاه ************** تمشي بدرب الطرفي ولا شامله ودرب الموده روحي تاعبنّي هواه ************* م ارتاح قلبي م المودّه ومن هله قال عبدالله الراسبي وآنا مثيلك زاد همّي بمشتكاه **************** ايزى يهوّم بي في شمس الجايله ابكي على خلن نزع قلبي ورماه ************ وزادت طعوني في ضميري وكاهله قال خميس الهاشمي بعدك تحنْ وتبكي على دار البداه ************ ونسيت دارك فيها هالغواني اجمله يا صاحبي فوادك هيش اللي دهاه ************* اشوفه فوادك طامع في غي لْهله قال عبدالله الراسبي لا تلومني ابكي على شيخ القطاه ************ زاهي بْحسن لي صاغ قوله ومْثله غادر سنين وغافي متوسّد رداه ************** ساجي هدب عيني ع قبره يظلّله قال خميس الهاشمي يا سيدي الفايت وما ينفع بكاه ******************** لون بتبكونه بدمعه هامله فايت الفايت والماضي صعب تلقاه ************** صعب التمنّي في امور مقفّله قال عبدالله الراسبي اذاك حظّي م الزمان ومن بلاه *************** ما طاع عقلي من حياتي يكنْسله كلما ذكرته هلّت عبرتي تنعاه ************** وتقول لي نوبه البكي شي حق له قال خميس الهاشمي الله يعينه قلبك وعلى ما ابتلاه ***************** صبّر سعيدك وبالبكي لا اتثقّله سمعنا النّاهم واجبه علينا صلاه *********** باوادعك يالمهوي والدرب بنواصله وتقبلوا تحياتي
__________________
التعديل الأخير تم بواسطة عبدالله الراسبي ; 05-07-2013 الساعة 02:13 PM |
|
|